हिन्दु धर्मावलम्बीहरुको महान पर्व फागु पुर्णिमाको अबसर पारेर नेपाल जेसीज क्षेत्र ग ले होली मिलन कार्यक्रम सम्पन्न गरेको छ ।

भक्तपुर ठिमि स्थित दिव्यश्वरी प्लानिङमा रहेको हिल्टन फिटनेसको प्राङ्गणमा सम्पन्न कार्यक्रममा फिटनेश समेतको सहकार्यमा होली मिलन कार्यक्रम सम्पन्न भएको हो ।

नेपाल जेसीज क्षेत्र ग निरुपित राष्ट्रिय कार्यकारिणी उपाध्यक्ष कृष्ण सापकोटाले समग्र क्षेत्र ग का शाखाहरुलाई एउटै स्थानमा रंगहरुको पर्व होली मार्फत बन्धुत्व भावना विकासका उदेश्यका साथ यस कार्यक्रम आयोजना गरिएको थियो।

व्यवस्थापकीय जिम्मेवारी ईमाडोल जेसीजका अध्यक्ष सिर्जना श्रेष्ठले गर्नु भएको उक्त कार्यक्रमम क्षेत्र ग का सबै शाखा का अध्यक्ष एवम् प्रतिनिधिको उल्लासमय उपस्थिति थियो |

कार्यक्रममा नेपाल जेसीजका राष्ट्रिय अध्यक्ष रजनी  थापा, राष्ट्रिय उपाध्यक्ष दिपक जंग अधिकारी , पुर्व कार्यकारिणी उपाध्यक्ष जिवन कार्की  र रमा प्याकुरेल लगायतको उपस्थितिमा एक अर्कामा सौहार्दपुर्ण वातावरणमा रंग खेल्दै शुभकामना साटासाट गरि हर्षका साथ होली मनाइएको थियो ।


संगै घैला  फुटाई लगायतका खेलहरु खेल्दै मनोरञ्जन गरिएको थियो ।जसमा  साखु जेसीजका महासचिव सुरज श्रेष्ठ विजयी भएका थिए। कार्यक्रम क्षेत्र ग का अध्यक्षहरुको सामुहिक सहकार्यमा भब्यताका साथ सम्पन्न भएको नेपाल जेसीजका राष्ट्रिय उपाध्यक्ष  दिपक जङ्ग अधिकारीले जानकारी दिए ।