विराटनगर -  विश्वकर्मा पूजाको अवसर पारेर विराटनगरस्थित मुनालपथमा रहेको तिरुपती अटो प्यालेसले महावीर चौकमा साताव्यापी ‘बेस्ट एक्सचेन्ज’ मेला आयोजना गर्ने भएको छ।

 आगामी असोज १ गतेदेखि ८ गतेसम्म सञ्चालन हुने उक्त मेलामा ग्राहकले जुनसुकै ब्रान्डका पुराना दुईपांग्रे सवारीसाधनसँग यामाहाका नयाँ मोटरसाइकल तथा स्कुटर साट्न सक्नेछन्।

​चाडपर्वको अवसरमा नयाँ सवारी खरिदलाई थप सहज बनाउन आयोजकले कागजी झन्झटमुक्त फाइनान्स सुविधा उपलब्ध गराएको छ। जसअन्तर्गत ग्राहकले नागरिकताको प्रतिलिपि पेस गरेकै आधारमा सरल र द्रुत प्रक्रियाबाटै नयाँ सवारीसाधन घर लैजान सक्नेछन्।

​मेलामा पुराना सवारीको उच्च मूल्यांकन (हाई भ्यालु एडिसन), आकर्षक नगद छुट (क्यास डिस्काउन्ट) र तत्कालै एक्सचेन्ज सुविधा (स्पट एक्सचेन्ज) उपलब्ध हुने अटो प्यालेसले जनाएको छ। साथै, नयाँ सवारी खरिद तथा एक्सचेन्ज गर्ने प्रत्येक ग्राहकलाई एक थान हेलमेट नि:शुल्क प्रदान गरिनेछ।

​विश्वकर्मा पूजाको विशेष अवसरमा महावीर चौकमा आयोजना हुने यस मेलासम्बन्धी थप जानकारीका लागि ९८०२७६९४२२ र ९८०२७६०९२२ मा सम्पर्क गर्न सकिनेछ।