विराटनगर जुनियर जेसीज २०२५ को शाखा पदाधिकारी तालिम शनिबार भव्य रूपमा सम्पन्न भएको छ।
उक्त कार्यक्रममा शाखाको नयाँ कार्यसमिति लाई विराटनगर जेसीज तथा विराटनगर जुनियर जेसीज का भूतपूर्व अध्यक्ष जेसी संदीप दास श्रेष्ठले प्रशिक्षण दिनुभयो।
तालिममा विभिन्न विषयमा विस्तृत छलफल भएको थियो, जसमा लोम अफिसरको भूमिका, संगठनात्मक संरचना, कार्ययोजना निर्माण, तथा प्रभावकारी सञ्चार प्रविधि सम्बन्धी जानकारी प्रदान गरिएको थियो।
कार्यक्रमका प्रमुख अतिथि विराटनगर जेसीजका बोर्डअफ ट्रष्टका अध्यक्ष टीकाराज ढकाल रहनुभएको थियो भने बिराटनगर जुनियर जेसीज २०२५ की अध्यक्ष आयुषा खतिवडाको अध्यक्षतामा कार्यक्रम सम्पन्न भयो।
कार्यक्रममा बिराटनगर जुनियर जेसीज तथा विराटनगर जेसीजका भूतपूर्व अध्यक्ष उज्वल खरेल, विराटनगर जुनियर जेसीजका भूतपूर्व अध्यक्ष सनराइज चौधरी, पंकज सापकोटाको उपस्थिति रहेको थियो।
समारोहमा प्रमुख अतिथि तथा पूर्व अध्यक्षज्यूहरुले विराटनगर जुनियर जेसीजले सधैं व्यक्तित्व र नेतृत्व विकाश गर्दै विभिन्न तालिम आयोजना गर्दै आएको र त्यसलाई नै निरन्तरता दिदै यस वर्ष अझै उत्कृष्ट बनाउन शुभकामना व्यक्त गर्नुभयो।
उक्त तालिमले सहभागी सदस्यहरूलाई जेसीजको गतिविधिमा अझ सक्रिय र सक्षम बनाउने अपेक्षा गरिएको छ। सहभागीहरूले तालिम निकै प्रभावकारी र ज्ञानवर्धक रहेको प्रतिक्रिया दिएका छन्।
View : 210
Copyright © 2023 -2025. Akhabar ka kura | News. All Rights Reserved