आक्रान्त भएको हो ।’

उनले जेनजी आन्दोलनको भावनाबाट बनेको वर्तमान सरकार नै जनताको अपेक्षा पूरा गर्न असफल भएको बताए । अस्पताल र ग्यासको लाइन, बाढीपहिरो पीडितको समस्या, औषधि–उपचार तथा दैनिक उपभोग्य वस्तुको मूल्यवृद्धिलगायत विषयमा सरकार प्रभावकारी हुन नसकेको उनले बताए ।

पछिल्लो समयमा देशको अवस्था निकै भयावह भएको बताए । बाढीपहिरो पीडित नागरिकका लागि राहत वितरण तथा स्वास्थ्य उपचारको व्यवस्था प्रभावकारी रूपमा अघि बढ्न नसकेको बताउँदै उनले सरकारप्रति असन्तुष्टि व्यक्त गरे । उनका अनुसार विपद्को समयमा राज्यले नागरिकको आवश्यकता र भावना अनुसार काम गर्न सकेको छैन् । 

रसाइलीले सुशासनका दृष्टिले समेत सरकार असफल भएको बताए । उनका अनुसार जेनजी आन्दोलनको प्रमुख मुद्दामध्ये सुशासन भए पनि सरकारले त्यसअनुसार काम गर्न सकेको छैन । राजनीतिक नियुक्तिमा आफन्त तथा नजिकका व्यक्तिलाई प्राथमिकता दिएको भन्दै उनले सरकारमाथि प्रश्न उठाए ।

उनले भ्रष्टाचार नियन्त्रणका नाममा सरकारले पूर्वाग्रही ढङ्गले कारबाही गरिरहेको बताए । पर्याप्त प्रमाण र कानुनी प्रक्रिया पूरा नगरी पक्राउ गर्ने र पछि अदालतबाट छुट्ने अवस्था देखिएको भन्दै उनले सरकारको कार्यशैली अपरिपक्व रहेको टिप्पणी समेत गरे ।

उनले सरकारले जनतालाई करको भार थप्दै गएको दाबी गरे । शिक्षा, स्वास्थ्य र बिजुलीजस्ता क्षेत्रमा कर लगाइएको भन्दै उनले करको नीति पुनरावलोकन गर्नुपर्ने बताए । मूल्यवृद्धि नियन्त्रण, दैनिक उपभोग्य वस्तुको सहज उपलब्धता र जनतालाई आधारभूत सेवा प्रदान गर्न सरकार केन्द्रित हुनुपर्ने उनले बताए ।

उनले जेनजी आन्दोलनका युवाको मुख्य अपेक्षा रोजगारी र देशभित्र अवसर सिर्जना गर्नु रहेको बताए । 

उनले भने, ‘जेनजी आन्दोलनका युवाहरू बेरोजगार छन् भने बेरोजगार भत्ता दिनुप¥यो । दुई–चार वर्ष त्यो भत्ता दिएर नेपालमा ठूलठूला कलकारखाना र उद्योग खोल्नुप¥यो । युवाहरूलाई नेपाल फर्काउने अभियान चलाउनुप¥यो ।’ 

दैनिक ठूलो संख्यामा नेपाली युवा वैदेशिक रोजगारीका लागि विदेश गइरहेको बताउँदै उनले सरकारसँग दीर्घकालीन रोजगारी सिर्जना गर्ने योजना नभएको बताए । रेमिट्यान्समा मात्रै निर्भर भएर मुलुक चलाउन नसकिने भन्दै प्राकृतिक स्रोतसाधनको उपयोग र नयाँ आम्दानीका स्रोत पहिचान गर्नुपर्ने उनले बताए । 

उनले सरकारलाई पाँच, १० र २० वर्षे योजनाका आधारमा अघि बढ्न सुझाव दिए । उनका अनुसार सरकारको ध्यान तत्कालीन लोकप्रियता र राजनीतिक स्टन्टमा भन्दा दीर्घकालीन आर्थिक विकास, रोजगारी सिर्जना र सुशासनमा केन्द्रित हुनुपर्छ ।

उनले जेनजी आन्दोलनका क्रममा भदौ २३ र २४ गतेको घटनाको निष्पक्ष छानबिन हुनुपर्ने समेत माग गरे । २३ गतेका घटनामा ज्यान गुमाउनेलाई शहीदका रूपमा सम्मान गर्नुपर्ने र २४ गते राष्ट्रिय तथा निजी सम्पत्तिमा भएको आगजनी तथा तोडफोडमा संलग्न दोषीमाथि कानुनी कारबाही हुनुपर्ने उनले बताए । 

रसाइलीले सरकारसँग अझै पर्याप्त समय रहेकाले आफ्नो कार्यशैली सुधार्न आग्रह गरे । जेनजी आन्दोलनको भावना सम्बोधन गर्दै संविधानको रक्षा, सुशासन कायम, भ्रष्टाचार नियन्त्रण र जनताप्रति उत्तरदायी शासन सञ्चालन गर्न सके भविष्य सुरक्षित रहने उनले बताए ।