विराटनगर : प्रधानमन्त्री केपी शर्मा ओलीले उद्योगधन्दा बन्द हुनेगरी कुनै पनि गतिविधि गर्न नदिइने स्पष्ट पारेका छन् ।

विराटनगरस्थित होटल ह्यारिसनमा सोमबार पत्रकारहरूसँग कुराकानी गर्दै उनले औद्योगिक क्षेत्र निर्वाद रूपमा सञ्चालने हुने विश्वास दिलाए । 

उद्योगहरूमा काटिएका बिजुली लाइन नजोडिएको सम्बन्धमा पत्रकारहरूले राखेको जिज्ञासामा जवाफ दिँदै प्रधानमन्त्री ओलीले भने, “कुनै पनि हालतमा देश बिगार्न दिइन्न, उद्योगधन्दा निर्वाद रूपमा सञ्चालन हुनुपर्छ ।” 

प्रदेश सरकारले विकासको कामसँगै सुशासनका क्रियाकलापलाई पनि निरन्तर अगाडि बढाउनुपर्नेमा जोड दिँदै प्रधानमन्त्री ओलीले संविधान संशोधन संसद्ले गर्ने भएकाले सोहीअनुसार प्रक्रिया सुरु हुने स्पष्ट पारे ।