धरान, माघ २९

धरानमा जारी कोशी प्रदेश लिग फुटबल प्रतियोगिता अन्तर्गत मोरङ्ग जिल्ला ए डिभिजन लिग च्याम्पियन चिरपरिचित सम्राट स्पोर्टिङ क्लब बिराटनगरद्वारा भोजपुर लिग विजेता लैबरी फुटबल क्लबलाई ५-१ को फराकिलो गोल अन्तरले पराजित गरेको छ । 

मोरङ जिल्ला ए डिभिजन लिगमा अपराजित रहँदै लिग च्याम्पियन बनेको सम्राटले उत्कृष्ट लय कायम राख्दै भोजपुरको टोलीलाई सहजै पराजित गरेको हो । 

धरान रंगशालामा भएको उक्त खेलमा सम्राटका तर्फबाट हरि नारायण खवासले हेट्रिक गरे भने डेभिड मगर र पुजन बिकले समान १-१ गोल गरेका थिए । 

पराजित टोलीका लागि सुशान्त तामाङले सान्तवना गोल गरेका थिए ।

खेलको म्यान अफ द म्याच  ह्याटि्रककर्ता सम्राटका हरिनारायण खवास घोषित भएका थिए । समुहको दोस्रो खेलमा सम्राटले भोलि गाईघाट फुटबल क्लबसँग खेलनेछ ।