बर्ष २०२३का अध्यक्ष अभिनास थापा निर्वाचन आयुक्त रहेको निर्वाचन समितीबाट संचालित  निर्वाचन प्रक्रियाबाट सन् २०२५ का लागि प्रीतेशराज दाहाल अध्यक्षमा त्यस्तै वरिष्ठ कार्यकारिणी उपाध्यक्षमा कबिराज दाहाल कार्यकारिणी उपाध्यक्षमा शिव शंकर मण्डल र अभिषेक भट्टराई , तालिम निर्देशकमा सुभाष भण्डारी  उपाध्यक्षमा रिजन सिग्देल ,मनोज तिवारी , शिवराज पोखरेल र अनुज दाहाल  जनसम्पर्क अधिकारीमा अभिषेक गौतम   निर्वाचित भएका थिए भने अध्यक्षले कार्यसमितिमा विभिन्न पदहरुमा नियुक्ति गर्दै बोर्डलाई पुर्णता दिएका थिए । 

साथै बर्ष २०२४ का अध्यक्ष तुलसी निरौलाले  निर्वाचित अध्यक्ष प्रीतेशराज दाहाललाई  सपथ गराएका थिए  भने निर्वाचित अध्यक्ष दाहालले  आफ्नो बोर्ड तथा मनोनित पदाधिकारीलाई सपथ गराएका थिए । 

यसरी नियुक्त हुनेहरुमा महासचिवमा प्रबेश दुलाल  कानुनी सल्लाहकारमा रमेश अधिकारी , कोषाध्यक्षमा रन्जन कुमार शाही  र सह सचिवमा सबिन अधिकारी  मनोनित भएर १५ सदस्यीय बोर्डले पुर्णता पाएको छ । 
त्यस्तै अन्य विभिन्न समितीहरुमा पनि अध्यक्षले नियुक्त गरे।  

साथै बर्ष २०२३ का अध्यक्ष अभिनास थापालाई आजीवन सद्स्यका रुपमा बिराटनगर जेसीजले सम्मान समेत गरेको छ । साथै थापा बिराटनगर जेसीजको कान्छो पुर्व अध्यक्षका रुपमा यस बर्ष रहने छन । 

त्यस्तै पदस्थापन कार्यक्रममा बर्षभरी उत्कृष्ट कार्य सम्पादन गर्ने सदस्यहरुलाई विभिन्न पुरस्कारबाट सम्मानित गरिएको थियो ।  लक्षमी स्मृति उत्कृष्ट शाखा पदाधिकारीबाट रन्जन कुमार शाही  ,धनगङ्गा अवार्ड बाट मनोज तिवारी , सुर्य कस्तुरी उत्कृष्ट सद्स्य अवार्ड बाट प्रबेश दुलाल  , उत्कृष्ट अब्जर्भर अवार्ड अनुराग निरौलाले प्राप्त गरे । 

त्यस्तै क्षेत्र क बाट नेपाल जेसीजमा प्रतिनिधित्व गर्ने राष्ट्रिय पदाधिकारीहरुलाइ सम्मानित गरिएको थियो जसमा राष्ट्रिय कानुनी सल्लाहकार सुनिल तिम्ल्सिना  राष्ट्रिय उपाध्यक्ष सुमित्रा भट्टराई  ,उज्जवल काबरा र  राघव कोईरालालाई सम्मानित भए । 

त्यसैगरी  राष्ट्रिय एकता दिवसको अवसरमा पृथ्वी नारायण शाह को सम्झना गर्दै निर्माण गरिएको दृश्य चित्र प्रस्तुत गरिएको थियो । 

बिशिस्ट अतिथी अन्तर्राष्ट्रिय जेसीजका पुर्व कार्यकारिणी उपाध्यक्ष सन्तोष रिजालले  पुराना आफ्ना कार्य स्मरण गर्दै जेसीजका युवाहरु समाजमा नेतृत्व तहमा पुग्न सक्ने गरि कार्य गर्नुपर्नेमा जोड दिए। 

त्यस्तै बिशिस्ट अतिथी नेपाल जेसीजका पुर्व राष्ट्रिय अध्यक्ष फुल कुमार लालावाणीले बिराटनगर जेसीजको आफ्नै पहिचान रहेको र त्यो पहिचानलाई देश भर फैलाउन २० बर्ष देखि अनवरत रुपमा लागेका जेसीज योद्धा प्रीतेशराज दाहाल अध्यक्ष भएकाले पूरा हुने आफुले बिश्वास लिएको बताए ।

बिशिस्ट अतिथी कोशी प्रदेश सभा सदस्य भिम पराजुलीले बिराटनगर जेसीज सग आफ्नो छुट्टै लगाव रहेको र यसले गर्ने कार्य सग आफू परिचित रहेको बताउदै अझ धेरै युवालाइ जोड्दै नेतृत्व , ब्यक्तित्व तथा उधमशिलता तर्फको यात्रामा जेसीज अघि बढोस भन्ने शुभकामना व्यक्त गरे । 

त्यस्तै प्रमुख अतिथी प्रतिनिधिसभाका उपसभामुख इन्दिरा राना मगरले  ५२ बर्षको इतिहास पूरा गर्न सफल बिराटनगर जेसीजको बोर्डलाई शुभकामना दिदै , जेसीजको एक ब्यक्ति एक पद एक कार्यकालको अवधारणा समाजका सबै क्षेत्रका लागि मननयोग्य रहेको र युवाहरुको संलग्नताले अझ देशलाई बिकासको पथमा अघि बढाउन जेसीजले भुमिका खेल्न पर्नेमा जोड दिइन । 

 सपथ पश्चात् अध्यक्ष दाहालले ५२ औ बर्ष आफैमा एउटा इतिहास रहेको र यो इतिहासलाइ अर्को  पुस्ताले समेत गर्व गर्न सक्ने बनाउन आफू लागीपर्ने बताउदै ,विराटनगर जेसिजको गरिमालाई उच्च राख्नका लागि कुनै कसर बाकी नराख्ने , नेपाल जेसिजका हरेक गतिविधिमा बिराटनगरको सहभागिता रहने र उद्धमशिलता तर्फको यात्रामा अघि बढ्दै  सबैलाइ सगै मिलाएर अघि बढ्ने र नव युवाहरुलाइ समेत जेसिजमा आकर्षण गर्न कामहरु गर्ने उल्लेख गरे । 

शनिबार सम्पन्न पदस्थापन कार्यक्रममा जेसीजका विभिन्न  शाखाका  २० भन्दा बढी शाखा अध्यक्षहरुको उपस्थिति रहेको जनसम्पर्क अधिकारी अबिशेक गौतम ले जानकारी दिए।