काठमाडौँ । ट्रान्सपरेन्सी इन्टरनेशनल नेपालले भ्रष्टाचार सम्बन्धी विश्वव्यापी सूचकाङ्क (सीपीआई ) २०२४ सार्वजनिक गरेको छ । सूचकाङ्क (करप्सन पर्सेप्सन इन्डेक्स–सीपीआई) मा नेपाल एक स्थान खस्किएको छ ।

गत वर्ष नेपाल ३५ अङ्क सहित १०८ औँ स्थानमा थियो । यस पटक एक अङ्क कम पाएर ३४ अङ्कसहित १०७ औँ स्थानमा झरेको छ । 

५० भन्दा कम अङ्क पाउनेहरू भ्रष्टाचारले व्याप्त मुलुककै सूचीमा पर्छन् । ट्रान्सपरेन्सी इन्टरनेशनलले नेपालको भ्रष्टाचार मापन गर्न विभिन्न ६ वटा क्षेत्रमा सर्वेक्षण गर्छ ।

 विभिन्न निकायहरूले गरेको सर्वेक्षणलाई विश्लेषण गरेर ट्रान्सपरेन्सी इन्टरनेशनलले सीपीआई सार्वजनिक गर्छ । 

ट्रान्सपरेन्सी ईन्टरनेशनल नेपालका महासचिव डा. सागरराज शर्माले नेपालमा भ्रष्टाचार प्रमुख समस्या भएको र मुलुकको शासन व्यवस्थाको चुनौती नै रहेको बताए।