ग्रामथान मण्टेश्वरी वार्षिकोत्सब
विराटनगर । मोरङको ग्रामथान गाउँपालिका–३ मंगलहाटमा रहेको ‘ग्रामथान मण्टेश्वरी स्कुल’ले तेस्रो वार्षिकोत्सव मनाएको छ । स्कुल प्राङ्गणमा विभिन्न कार्यक्रमसँगै उत्कृष्ट विद्यार्थीहरूलाई पुरस्कृत गर्दै वार्षिकोत्सव मनाएको हो ।
स्कुलका प्रिन्सिपल कृष्ण प्रसाद पौडेलका अनुसार गत वर्षको वार्षिक परीक्षामा उत्कृष्ट नतिजा ल्याउने र यस वर्षका उत्कृष्ट विद्यार्थीहरूलाई पुरस्कृत गरिएको छ । ‘शिक्षासँगै संस्कार दिन्छौं’ भन्ने नारासहित तीन वर्ष अघि स्थापना भएको स्कुलले विद्यार्थीहरूको चौतर्फी विकासका लागि विभिन्न गतिविधि गर्दै आएको प्रिन्सिपल पौडेलले जानकारी दिए ।
कार्यक्रममा विद्यार्थीहरूले विभिन्न प्रतिभा प्रस्तुत गरेका थिए । कार्यक्रममा अभिभावक, शिक्षक, विद्यार्थी तथा विभिन्न क्षेत्रका व्यक्तिहरूको उपस्थििति रहेको थियो ।
View : 255
Copyright © 2023 -2025. Akhabar ka kura | News. All Rights Reserved