काठमाडौँ । कक्षा १२ को वार्षिक परीक्षा आगामी २०८२ वैशाख ११ गतेदेखि हुने भएको छ । राष्ट्रिय परीक्षा बोर्डले आगामी वैशाख ११ गतेदेखि परीक्षा गर्नेगरी तालिका सार्वजनिक गरेको छ । 

वैशाख ११ गतेदेखि सुरु हुने परीक्षा २४ गते सम्म चल्ने बोर्डले जनाएको छ । 

परीक्षा बिहान ८ बजेदेखि ११ बजेसम्म हुनेछ । साधारण र परम्परागत धारतर्फका नियमित तथा आंशिक विषयका विद्यार्थीका लागि तालिका सार्वजनिक भएको हो । 

परीक्षामा मोबाइल फोन, स्मार्ट घडी लगायतका अन्य इलेक्ट्रिोनिक्स डिभाइस लैजान निषेध गरिएको र परिक्षालाइ मर्यादित बनाइने बोर्डले जनाएको छ । 

बोर्डको  कार्यतालिकामा २०८२ को वैशाख ११ गतेदेखि कक्षा १२ को वार्षिक परीक्षा गर्ने उल्लेख भए बमोजिम सोही मितिमा परीक्षा गर्ने गरि  बोर्डले परीक्षा तालिका सार्वजनिक गरेको हो ।