विराटनगर / विभागीय टोली  त्रिभूवन आर्मी क्लब ९ औं संस्करणको रमपम विराट गोल्डकपको अन्तिम चार प्रवेश गरेको छ ।

विराटनगरको सहिद रंगशालामा आज भएको पहिलो क्वाटरफाइनल खेलमा आर्मीले घरेलु टिम रिजालको मोरङ ११ लाई १–० गोलले पराजित गर्दै आर्मी अन्तिम चारमा स्थान पक्का गरेको हो ।

आर्मीका निरज  चौधरीले पहिलो हाफको ३७ औ मिनेटमा गोल गर्दा आर्मीको लागि जितको आधार तयार भयो । पथेमन गलेले मध्य भागबाट निकालेको क्रस पासलाई निरजले आकर्षक गोलमा परिणत गरेका थिए ।

दोस्रोे हाफपछि आक्रमक खेल पस्किएको मोरङले गरेको प्रयास  सफल हुन सकेन ।


घरेलु दर्शकको साथ पाएको मोरङले गोल गर्ने थुप्रै  अवसरको सदुपयोग गर्न नसक्दा पराजय बेहोर्दै प्रतियोगिताबाट बाहिरिनु पर्यो ।  खेल अवधिभर उत्कृष्ट खेल प्रस्तुत गर्दै उत्कृष्ट बचाउ गरेका आर्मीका गोल रक्षक विकेस कुथु प्रतियोगिताको प्लेर अफ द म्याच   घोषित हुँदै उनले नगद ११ हजार प्राप्त गरे ।

बिहीबारको दोस्रो क्वाटरफाइनल खेल सशस्त्र प्रहरी बल (एपीएफ) र नेपाल पुलिस क्लबबीच हुनेछ ।