इन्द्रपुर जेसीजको नारी सम्मान
इन्द्रपुर जेसीज र इन्द्रपुर जुनियर जेसीजको संयुक्त आयोजनामा "नारी सम्मान" कार्यक्रम सम्पन्न भएको छ ।
अन्तर्राष्ट्रिय महिला दिवस २०२५ को अवसर पारेर आयोजना गरिएको सम्मान कार्यक्रममा आप्रवासी महिला कामदार सेवा मोरङकी अध्यक्ष उमा सेढाईलाई सम्मान गरिएको थियो ।
उहाँको महिला सशक्तिकरणमा उल्लेखनीय योगदान, विशेषगरी आप्रवासी महिला कामदारहरूको हकहितका लागि गरेको अनवरत प्रयास अत्यन्तै प्रेरणादायी रहेको तथा समाज र महिलाहरूको हितमा उहाँले पुऱ्याउनु भएको योगदानको उच्च रहेको महसुस गर्दै इन्द्रपुर जेसीज परिवारको तर्फबाट सम्मान गरिएको हो ।
यदि परिवार समाज र राष्ट्रमा समृद्धि ल्याउनुछ भने नारी सशक्तीकरणमा ध्यान दिनु पर्ने इन्द्रपुर जेसीजका अध्यक्ष आकाश दुलालले बताउनुभयो । इन्द्रपुर जेसीज सदैव नारीहरुको क्षमता विकास तथा नेतृत्व विकासमा अघि बढी रहेको र यस किसिमका सम्मान कार्यक्रमले अन्य महिलालाई समेत उत्प्रेरणा प्रदान गर्ने विश्वास व्यक्त गर्नुभयो ।
कार्यक्रममा इन्द्रपुर जेसीज , जुनियर जेसीज र शुभेच्छुकहरूको सहभागिता रहेको थियो ।
View : 132
Copyright © 2023 -2025. Akhabar ka kura | News. All Rights Reserved