विराटनगर– विराट गोल्डकपमा  चर्च ब्वाइज, नेपाल पुलिस क्लबलाई पराजित गर्दै फाइनलको यात्रा तय गर्न सफल भएको छ । सोमबार सम्पन्न खेलमा  चर्च ब्वाइजले पुलिस क्लबलाई १-० गाेलले पराजित गर्दै फाइनलको यात्रा तय गरेको हो । 

पहिलाे हाफ गाेलरहित बराबरीमा रहेकोमा  दाेस्राे हाफमा चर्च ब्वाइजका लाक्पा पाख्रिनले गरेकाे गाेल नै  निर्णायक  साबित हुन पुग्यो ।  खेलकाे सुरुवातमा आक्रामक खेल पस्केको पुलिस क्लबले गोल गर्न सकेन । तर  चर्च ब्वाइजले पुलिसको आक्रमणलाई रोक्दै फाइनल तर्फको यात्रा तय गर्यो । 

 रात्रीकालिन नवौँ संस्करणको विराट गोल्डकपको उपाधिको  लागि फाइनल खेलमा बुधबार चर्च ब्वाइजको भेट  थ्रीस्टारसँग  हुनेछ । 

पहिलो सेमिफाइनलमा आइतबार विभागीय टिम त्रिभूवन आर्मी क्लबलाई थ्रीस्टारले ३–२ गोल अन्तरले पराजित गर्दै फाइनलमा पुगेको थियो । 

 नवौं संस्करणको रात्रिकालीन विराट गोल्डकप फुटवल प्रतियोगिता को फाइनल फाल्गुन २८ गते बुधबार साँझ ६:३० बजे हुनेछ ।