विराटनगर
लियो जिल्ला परिषद ३२५ सिले एक कार्यक्रमको आयोजना गरि युवानेत्री तथा   संघीय संसदमा प्रतिनिधि सभा सदस्य नेकपा एमालेका सचेतक सुनिता बराललाई  सम्मान गरेको छ ।

बराल स्नातक तहको अध्यन पूरा गर्नका लागि विराटनगर रहेको समयमा  विभिन्न समाजिक संघ सस्थामा आवद्ध रहनुभएको थियो । सोही क्रममा लियो क्लब अफ विराटनगर सेन्ट्रलको सद्स्यका रुपमा केहि बर्ष कार्य गर्नुभएको थियो  भने तत्कालीन लियो जिल्ला परिषद ३२५ ए वानमा समेत पदाधिकारीका रुपमा कार्य कौशलता देखाउनु भएको थियो ।

सोहि कार्यको मूल्याकंन गर्दै , लियोमा लागेर समेत सामाजिक रुपमा सक्रिय रहदा समेत देशलाई योगदान गर्न सक्ने ब्यक्ति बन्न सकिन्छ भन्ने उदाहरण बन्नु भएको र समग्र लियो जिल्ला परिषदलाई नै गौरवान्वित बन्ने अवसर प्राप्त भएको महसुस गरि लियो जिल्ला परिषद ३२५ सि ले उहाँलाई सम्मानित गरेको अध्यक्ष शिव शंकर मण्डलले जानकारी दिनुभयो ।

कार्यक्रममा आफ्ना भनाइ राख्दै प्रतिनिधि सभामा नेकपा एमालेका तर्फबाट सचेतक सुनिता बरालले आफ्नो जीवनको स्वर्णिम समय आफुले विराटनगरमा बिताएको र सो समयमा लियो, जेसीज जस्ता सस्थामा लागेर सामाजिक सेवा तथा नेतृत्व र व्यक्तित्व विकास जस्ता बिषयमा पाएको ज्ञानले आजको दिनमा यो उचाइमा पुगेको भनाइ राख्दै , आम युवालाई युवाकालमै आफुमा क्षमता र दक्षताको बिकास गर्नका लागि इमानदार भएर लाग्न सुझाव दिनु भयो ।

साथै आफ्ना पुराना दिनमा गरेका कार्यलाई स्मरण गर्दै सम्मान गरेकोमा लियो जिल्ला परिषद ३२५ सि परिवार प्रति आभार व्यक्त गर्नुभयो ।

कार्यक्रममा पुर्व मल्टिपल डिस्ट्रीक्ट अध्यक्ष कैलाश खाकी श्रेष्ठ , पुर्व जिल्ला परिषद अध्यक्ष रन्जन कुमार शाही लगायतको सहभागिता रहेको थियो भने कार्यक्रमको संचालन जिल्ला परिषद सचिव मनोज तिवारीले गर्नुभएको थियो ।