विराटनगर । नेपाल रेडियोलोजिष्ट एशोसिएसनको हरेक वर्ष हुने वार्षिक राष्ट्रिय सम्मेलन यस वर्ष विराटनगर र ईटहरीमा आयोजना हुँदै सम्पन्न भएको छ । फाल्गुन २३ देखि २५ गते सम्म भएको सम्मेलनमा नेपाल भरी र  अन्तर्राष्ट्रिय गरि करिब २०० चिकित्सकको सहभागी रहेको थियो । सम्मेलनको मुल समारोह समिति अध्यक्षमा डा. मनोज भट्टराई र सचिवमा डा. मनिषराज पाठक रहनुभएको छ । 

सम्मेलन अन्तर्गत फाल्गुन २३ गते विराटनगर मुल सम्मेलनको पुर्व सन्ध्यामा फिटल मेडिसिनमा भारत बाट आउनुभएका डा. विवेक काश्यप नेतृत्वको टोलिले एक दिने तालिम सम्पन्न भएको छ ।

सो पश्चात् २४ र २५ गते ईटहरीमा मुल सम्मेलन आयोजना भएको थियो । सम्मेलन करिब १२ जना अन्तर्राष्ट्रिय स्तरका रेडियोलोजीको क्षेत्रमा ख्याती प्राप्त वक्ताले आफ्नो भनाई राख्नु भएको थियो भने सो कार्यक्रममा राष्ट्रिय वक्ताहरुको समेत सहभागीता रहेको थियो । 

कार्यक्रममा मुख्य वक्ताको रुपमा अमेरिका बाट आउनु भएको रेडियोलोजिष्ट प्रा. डा. कार्लोस एस रेष्ट्रीपो रहनु भएको थियो । सम्मेलनको उद्घाटन समारोह नेपाल रेडियोलोजिष्ट एशोसिएसन केन्द्रीय अध्यक्ष प्रा. डा सरोज शर्माको सभापतित्वमा एवं  डा. तिर्थ राज बुर्लाकोटीको प्रमुख आतिथ्यतामा सम्पन्न भएको छ ।

साथै उक्त सम्मेलन बाट नेपाल रेडियोलोजिष्ट एशोसिएसन केन्द्रीय कार्यकारिणी समितिका लागि नयाँ नेतृत्व चयन समेत भएको छ ।

निर्वाचन प्रक्रिया सम्पन्न गर्न प्रा. डा. दान बहादुर कार्कीको संयोजकत्वमा डा. आयश्ना गुरुङ्ग र  डा. सुमन लामिछाने सदस्य रहेको समिति गठन भएको छ ।

शुक्रबार सम्पन्न निर्वाचन प्रक्रिया बाट अध्यक्षमा डा. तेजेन्द्र कार्की , उपाध्यक्ष डा. कृष्ण बुढाथोकी, महासचिवमा डा. सरोज केसि , सहसचिवमा डा. नवराज रानाभाट, कोषाध्यक्षमा डा . रोशना खडका, सहकोषाध्यक्षमा डा. राजेन्द्र चौधरी  साथै सदस्यहरुमा डा. निशान्त मिश्र, डा. सुस्मित काफ्ले र डा. अम्बिका पोखरेल निर्वाचित भएको नवनिर्वाचित सह कोषाध्यक्ष डा. राजेन्द्र चौधरीले जानकारी दिनुभयो ।

सम्मेलनको उद्घाटन डा. तिर्थ राज बुर्लाकोटीको प्रमुख आतिथ्यतामा सम्पन्न भएको छ।