Biratnagar, Morang, Nepal
पर्यटन

पाथिभरा

पाथीभरामा १ करोड ३० लाख भेटी सङ्कलन

पाथिभरामा श्रावण देखि पौष सम्म १ करोड ३० लाख भेटी संकलन भएको हो ।
-
अखवारका कुरा
९ माघ २०८१, बुधवार

Advertisement

ताप्लेजुङ । यहाँस्थित प्रसिद्ध धार्मिकस्थल पाथीभरामा साउनदेखि पुस मसान्तसम्मको अवधिमा दर्शन गर्न आउने भक्तजनबाट एक करोड ३० लाख २४ हजार ४५६ भेटी र दान सङ्कलन भएको छ ।

पाथीभरा क्षेत्र विकास समितिका अनुसार सोही अवधिमा एक लाख छ हजार ६२३ जना भक्तजनले मन्दिरको दर्शन गरेका छन् । 

समितिले चालु आर्थिक वर्षको छ महिनाको भेटीघाटी तथा दर्शनार्थीको सङ्ख्या सार्वजनिक गरेको छ । पाथीभरा क्षेत्र धार्मिक आस्थाको केन्द्र भएकाले हरेक वर्ष लाखौँ भक्तजन यहाँ पुग्ने गर्छन् । 

भेटी र दानबाट सङ्कलित रकम पाथीभराको संरक्षण, सम्वर्द्धन तथा दर्शनार्थीलाई थप सुविधा उपलब्ध गराउने, पूर्वाधार निर्माणलगायतका काममा खर्च हुँदै आएको पाथीभरा क्षेत्र विकास समितिका कार्यकारी निर्देशक प्रजिन हाङबाङले बताए ।

पाथीभरा धाम नेपालका प्रमुख शक्तिपीठमध्ये पूर्वकै एक प्रसिद्ध तीर्थस्थल हो । पाथीभरामा विशेषगरी बडा दसैँ, तिहार, चैते दसैँ र अन्य चाडपर्वका बेला भक्तजनको उल्लेख्य उपस्थिति हुने गर्छ ।

पाथीभरा देवीको दर्शनले मागेको कुरा पूरा हुने  जनविश्वास छ । 

View : 142

Copyright © 2023 -2025. Akhabar ka kura | News. All Rights Reserved