लियो जिल्ला परिषद ३२५ C को आयोजनमा यहि माघ २२ गते  (सन २०२५ फेव्रुवरी ४) मङ्गलवारका दिन बिश्व क्यान्सर दिवसको अवसरमा सचेतना फैलाउनका लागि बिबिध कार्यक्रम आयोजना हुने भएको छ । 

लायन्स क्लब अन्तर्राष्ट्रिय सामाजिक सेवा गर्ने संस्था हो । हामी सेवा गर्छौं भन्ने मुल मन्त्र बोकि सामाजिक सेवाका कार्यमा अघि बढिरहेको लायन्स को कोशी प्रदेशका अधिकाश भुभाग लायन्स अन्तर्राष्ट्रिय डिस्ट्रीक्ट ३२५ सी अन्तर्गत पर्दछ ।

 यसको गभर्नरका रुपमा लायन्स विकास अधिकारी रहेका छन भने उनको  गतिशील नेतृत्वमा नेतृत्व र सेवाको उदाहरणीय मोडेल बनेको छ। उनको  युवाशक्ति र ऊर्जाशील नेतृत्वले यस जिल्लालाई सामुदायिक सेवामा नयाँ कीर्तिमान राख्न र संस्थागत उत्कृष्टताको लागि प्रेरित गराएको छ । डिस्ट्रीक्ट र यसका प्रोजेक्टहरुले यस बर्ष नविनतम कार्य गर्दै आएका छन । 

लायन्स क्लब अन्तर्राष्ट्रिय को युवा परियोजनाका रुपमा लियो जिल्ला परिषद ३२५ सी रहेको छ र यसले लायन्स डिस्ट्रीक्टको युवा परियोजनाका रुपमा १८ देखि ३० बर्षका युवालाई समेट्दै सामाजिक कार्यमा अग्रसर रहदै आएको छ । 

अन्तर्राष्ट्रिय  क्यान्सर दिवश २०२४ को अवशरमा ७ किलोमिटर को सचेतना दौड नोबेल मेडिकल कलेज देखि सहिद मैदान सम्म संचालन हुने तथा दौड मा प्रथम हुने महिला तथा पुरुष दुवै लाई नगद रु ३००००  दितिय हुने लाई नगद  रु २०००० र तेस्रो हुने लाई  रु ११००० नगद सहित सिल मेडल र प्रमाणपत्र ले सम्मान गरिने पत्रकार सम्मेलनमा जानकारी दिइयो । 

त्यस्तै आयोजकका अनुसार  पिस मार्च र्याली को समेत आयोजना हुने र  विभिन्न संघ सस्था र बिधालय तथा क्याम्पसहरुको सहभागिता रह्ने छ । साथै स्लो साइकल रेस प्रतियोगिताको आयोजना हुनेछ , त्यस्तै क्यान्सर लागेर दिवङ्गत भएका ब्यक्तिहरुको सम्झनामा दिप प्रज्वलन कार्यक्रम नोबेल मेडिकल कलेज बिराटनगरमा आयोजना हुनेछ । 

साथै साता ब्यापी क्यान्सर सचेतना कार्यक्रम विभिन्न संघ सस्था बिधालय क्याम्पस लगायत समाजका सबै क्षेत्र समेट्ने गरि सचेतना कार्यक्रम मार्फत प्राण घातक रोग क्यान्सरका बारेमा जानकारी गराइने छ । यस कार्यक्रममा सबै क्षेत्रका गरि २००० भन्दा बढी युवाहरुको सहभागिता रह्ने अनुमान छ । यस कार्यक्रमको मुख्य प्रायोजकका रुपमा नोबेल मेडिकल कलेज रहेको आयोजकले जानकारी दियो । 

यसको उदेश्य धेरै भन्दा धेरै ब्यक्तिहरु समक्ष क्यान्सरको सचेतना गराउदै क्यान्सर विरुद्धको अभियानलाई जनमानसमा पुर्याउने रहेकाले यहाँहरुको सक्रिय सहयोगको समेत अपेक्षा गरेको लियो जिल्ला परिषद ३२५ सी का अध्यक्ष शिव शंकर मण्डलले जानकारी दिए ।