विराटनगर । विराटनगरमा रहेको हिमालय दर्शन कलेजले आयोजना गरेको अन्तर–कलेज सेफ प्रतियोगिताको उपाधि विराट विक्टोरिया मेमोरियल स्कुलले जितेको छ । 

 हिमालय दर्शन कलेज विराटनगरले कलेज प्राङ्गणमा पुर्व क्षेत्रमै पहिलो पटक आयोजना गरेको अन्तर कलेज सेफ प्रतियोगिताको उपाधि जित्दै  विराट विक्टोरियाले इतिहास रचेको हो ।   साथै सुकुना सेकेण्डरी स्कुल दोश्रो  र  ब्राइट फ्यिूचर सेकेण्डरी स्कुल तेस्रो हुन सफल रहे । 

प्रतियोगिताको प्रथम, द्धितीय र तृतीय हुने विद्यालयले क्रमशः नगद २५ हजार, १५ हजार र १० हजार रुपैयाँ र ट्रफि जित्न सफल रहे । 

 विराटनगरका १० वटा विधालयवाट  ४० जना विद्यार्थीहरूले प्रतियोगितामा सहभागिता जनाएका साथै  प्रत्येक कलेजबाट चार–चार जना विद्यार्थीहरूको समूहले प्रतिस्पर्धा गरेका कलेज प्रमुख भरत सापकोटाले बताए । 

 सेफ एसोसिएसन नेपालका पूर्व अध्यक्ष श्रीराम अधिकारी र नेथमको बिएचएम कोर्डिनेटर विपिन नेपाल लगायतको  निर्णायक मन्डलले विधार्थीहरुको प्रस्तुतिका आधारमा बिजेता छनोट गरेको थियो । 

होटल म्यानेजमेन्ट बिशुद्ध ब्यवहारिक र प्रयोगात्मक ज्ञान प्रदान गर्दै अध्य्यन पश्चात् रोजगारीको अवसर प्रदान गर्ने विधा रहेको र हस्पिटालिटी सेक्टरमा विधार्थीको ज्ञान सीप र क्षमता बढोस भन्ने उदेश्यले कार्यक्रम आयोजना गरिएको जसमा बिद्यार्थीले आफ्नो उत्कृष्ट सिर्जनशीलता प्रस्तुत गरेको क्याम्पस प्रमुख सापकोटाले जानकारी दिए । 

विद्यार्थीहरूलाई ऊनीहरुको सिर्जनशिलता प्रस्तुत गर्नका लागि दुई घण्टा ३० मिनेटको समय तोकिएकोमा आफ्नै क्षेत्रमा उपलब्ध भएका  सामग्रीहरूको प्रयोग गर्दै विधार्थीहरुले  परिकारहरू बनाइ निर्णायक समक्ष प्रस्तुत गरे । 

  निर्णायक श्री राम अधिकारीका अनुसार निर्णायक   मण्डलद्वारा स्वाद, प्रस्तुति, सिर्जनशीलता र समयको प्रभावकारी प्रयोगलाई मूल्याङ्कनको आधार बनाएर उत्कृष्ट विद्यालय छनौट गरिएको  हो । 

 यस्ता प्रतियोगिताहरूले विद्यार्थीहरूलाई होटल म्यानेजमेन्ट र हस्पिटालिटीको क्षेत्रमा रहेको सम्भावना देखाउदै आफुमा भएको सिपलाई तिखार्ने अवसर प्रदान गर्ने र यसले अध्ययन पश्चात् रोजगारका लागि जानू अघि व्यावहारिक अनुभव विधार्थीले प्राप्त गर्ने शिक्षादिप कलेजका निर्देशक शैलेन्द्र शिवाकोटीले बताए । 

हिमालय दर्शन कलेजका कार्यक्रम संयोजक अन्जु भुजेलका अनुसार पहिलो पटक आयोजना भएको प्रतियोगितामा उल्लासपुर्ण रुपमा विधालयहरु सहभागी भएको र आगामी दिनमा यसलाई अझ परिस्कृत गर्दै धेरै विधालयको सहभागीतामा अझ उत्कृष्ट कार्यक्रम आयोजना गरिने छ। 

विजेता टिमका विधालयका अनुसार पहिलो पटक आयोजना भएको यस किसिमको प्रतियोगिताले होटल म्यानेजमेन्ट क्षेत्रका विधार्थीका लागि नयाँ अवसर प्रदान गरेको र यसले विधार्थीको सिकाइमा महत्त्वपूर्ण उपलब्धि हासिल हुने विधालयहरुले विश्वास लिएका छन ।