विराटनगर ।

"सबै महिला तथा बालिकाका लागि: अधिकार, समानता र अधिकार सम्पन्नता" भन्ने मुल नारासहित ११५ औं  अन्तर्राष्ट्रिय महिला दिवस-२०२५ को अवसरमा अपांगता भएका महिलाहरु माथी हुने हिंसा सम्बन्धि सचेतना गोष्ठी  सम्पन्न भएको छ । 
राष्ट्रिय अपांग महासंघ ,कोशी प्रदेश र सामाजिक विकास मन्त्रालयको सहकार्यमा आयोजित उक्त कार्यक्रममा मन्त्रालयकि महाशाखा प्रमुख एवम् सहायक सचिब दुर्गा भण्डारी बरालले ब्यानर पढेर उद्घाटन गरि  महिलाहरुका बिषयहरुलाई ध्यानकेन्द्रित गरि अपांगता भएका महिलाहरुलाई एउटा छुट्टै अनि विषेश कार्यक्रमको आयोजना गर्नुपर्ने महसुस भएकोले आज यो अपांगता भएका महिलाहरु माथी हुने हिंसा सम्बन्धि सचेतना गोष्ठी आयोजना गरिएको जानकारी दिएकि छिन् ।

गोष्ठी को अध्यक्षता सङ्गसङ्गै सहजीकरण  राष्ट्रिय अपांग महासंघ ,कोशी प्रदेश  उपाध्यक्ष एवम् राष्ट्रिय अपांग कोषकि सह सचिब भिमा खतिवडाले गरेकी थिइन् ।
साथै  कार्यक्रमलाई सहजीकरण  गर्ने क्रममा खतिवडाले  अपांगता भएका ब्यक्तिहरुले भोग्नुपरेका समस्याहरु ,अपांगता भएका महिलाले भोग्नुपरेका वर्तमान अवरोधहरु: भौतिक ,संचारगत ,सहभागितात्मक अवरोधहरु ,अपांगता भएका महिलाहरुको सहभागिताको लागि राज्यले सम्बोधन गर्नुपर्ने सवालहरुमा अपांगता भएका ब्यक्तिहरुलाई सचेतना  गराएकी हुन् ।

त्यसैगरी कार्यक्रममा एकद्वार संकट प्रणाली  ब्यवस्थापक कोशी अस्पताल  बिराटनगरकि रिता दहालले अपांगता भएका ब्यक्तिहरु त्यसमा पनि महिलालाई  हिंसामा नपर्न वा सो बाट जोगिन स्वयं ब्यक्तिका अभिभावक ले साथ नदिए अपांगता भएका ब्यक्तिहरुलाई आउने संकट मा हामीले काम गर्न कठिनाई हुन्छ । साथै  स्वास्थ्य सेवामा पहुँच गराउन समेत आफुहरुले प्रहरी ,सेफ हाउस लगायतका विभिन्न  सहयोग लिएर   काम गरिरहेको जानकारी दिइन्  ।

कार्यक्रममा जिल्ला  प्रहरी कार्यालय, मोरङ्गकि प्रहरी निरीक्षक एवम् महिला ,बालबालिका तथा ज्येष्ठ नागरिक सेवा केन्द्र ( महिला सेल)इन्चार्ज   प्र .नि रचिता चौधरी  यादवले महिला हिंसा सम्बन्धि न्याय सम्पादन प्रक्रियामा नेपाल प्रहरीको अभ्यास , महिला अधिकारकर्मि को भुमिका ,कानुनी प्रक्रिया र अनुसन्धान ,घटना ब्यवस्थापन गर्दा आउने चुनौतीहरु, कानुनी सुधार र पैरवी ,पिडितलाई सहयोग र परामर्श, प्रहरी प्रशासन सङ्ग सहकार्य  ,सचेतना र अभियान विषयमा महिला सेलमा प्राप्त हुने उजुरीका विषयहरुबारे जानकारी दिदै यदि  आफू हिंसामा परेको कुराको  महसुस हुन्छ भने  आफ्नो उजुरी प्रहरीमा दर्ता गराउन पनि सबैलाई सुझाव दिदै कानुन बमोजिम आफुले सक्दो सहयोग गर्ने कुरा पनि ब्यक्त गरेकी  छन् ।

त्यसैगरी नेतृत्वदायी भुमिकामा रहेर अपांगता अभियानमा काम गर्ने   महिलाहरुलाई हिंसा सम्बन्धि नितिगत  कानुनी ब्यवस्थाहरु बारे सचेत गराउनका लागि जिल्ला अदालत मोरङ्गका न्यायाधीशको पनि सहजीकरण रहेको थियोे ।  सहजीकरणको क्रममा   उनले महिला हिंसा विषयमा भएका  कानुनी ब्यवस्थाहरु ,अन्तर्राष्ट्रिय कानुन ,हिंसाका स्वरूप र प्रकार , नागरिक समाजको भुमिका , प्रहरीको भुमिका ,एकद्वार संकट प्रणालीको भुमिका ,न्यायीक समितिको भुमिका ,न्याय सम्पादन प्रकृया: फौजदारी र देवानी लगायतका विषयहरुमा जानकारी दिएका छन् ।

महासंघका सदस्य सचिव एवम् लोकतान्त्रिक अपांग संघ ,कोशी प्रदेश अध्यक्ष    गोपालमान थापाले स्वागत मन्तव्य राखेर सुरु भएको उक्त कार्यक्रम  अन्त्यमा उनैले प्रदेश स्तरबाट नेतृत्वदायी भुमिकामा रहेर  काम गर्ने ब्यक्तिहरुमध्ये प्रतिनिधिमुलक केहि सिमित महिलाहरुको  सहभागिता गराएर कार्यक्रम आयोजना गरिएको  जानकारी दिदै सम्पन्न भएको छ ।