बरगाछी–रानी सडक सौन्दर्यकरणका लागि प्राइम कमर्सियल बैंकले २ लाख रुपैयाँ हस्तान्तरण गरेको छ । विराटनगर महानगरपालिकाका मेयर नागेश कोइरालालाई बैंकका प्रदेश प्रमुख रबिन्द्र अर्याल , क्लस्टर ए कोशी प्रदेश प्रमुख ऋषिराम भट्टराई , क्लस्टर ए रिलेसनसिप म्यानेजर रुपकराज सुवेदी र ट्राफिक चौक शाखा प्रमुख सिद्धिराज थापाले संयुक्तरुपमा २ लाख रुपैयाँको चेक हस्तान्तरण गर्नुभयो ।

विराटनगरमा आफ्नै भवनमा प्रदेश कार्यालय रहेको बैकको ४ शाखा रहेका छन भने कोशी प्रदेश भरी बैकका ४७ शाखा रहेका छन । सामाजिक उत्तरदायित्व अन्तर्गत बैंकले विभिन्न सामाजिक कार्य समेत गर्दै आएको छ ।

बरगाछी–रानी सडक सौन्दर्यकरणको काम धमाधम भइरहेको छ । ४६ वटा डिभाइडरमध्ये धेरैमा  तारजाली लगाएर फूल र विरुवा रोप्ने काम सकिएको छ ।

महानगरले सञ्चालन गरेको सौन्दर्यकरणको अभियानमा विराटनगरस्थित बैंक तथा वित्तीय संस्थाहरुले सहयोग गरिरहेका छन् ।

विराटनगरलाई सफा, सुन्दर, हराभरा, उज्यालो, विकसित र व्यवस्थित बनाउने महानगरपालिकाको अभियानमा साथ दिन मेयर कोइरालाले सबैलाई आग्रह गर्दै आउनुभएको छ ।