प्राइम बैंकले आफ्नो स्थापना दिवसको अवसर पारेर  आफ्नो नवनिर्मित भवनमा रक्तदान कार्यक्रमको आयोजना गरेको छ । 

 तत्कालीन बिराट्लक्ष्मी  बिकास बैकका अध्यक्ष माधव कोइरालाले बैकका कर्मचारी सरोज निरौलालाई  ब्लड ब्याग हस्तान्तरण गरेर उद्घाटन भएको रक्तदान कार्यक्रममा बैक का विभिन्न शाखाका कर्मचारी , ग्राहक तथा आगन्तुकले रक्तदान गरेका थिए । 

रक्तदान कार्यक्रममा ५८ पिन्ट रगत संकलन भएको छ भने , रगत दिन इच्छुक धेरैको तौल तथा रक्तचाप र अन्य रोगका कारण रक्तदान गर्न नमिलेको ,झरी र बर्षाको  प्रतिकुल मौसममा समेत उत्साहप्रद रुपमा रक्तदान कार्यक्रम सफल भएको प्राइम बैक कोशी प्रदेशका क्लस्टर ए प्रमुख ऋषिराम भट्टराईले जानकारी दिनुभयो । 

रगत अभाव कम गर्न र सामाजिक उत्तरदायित्व पूरा गर्नका लागि बैकले आफ्नो बार्षिक उत्सवको अवसरमा देश ब्यापी रुपमा रक्तदान कार्यक्रम आयोजना गरेको र सोही अनुरुप बिराटनगरमा पनि प्रदेश कार्यालयको अगुवाइमा रक्तदान कार्यक्रम आयोजना गरिएको प्राइम बैक प्रदेश कार्यालयका प्रमुख रबिन्द्र अर्यालले जानकारी दिनु भयो । 

सो अवसरमा रक्तदान गर्नेलाई बैंकले प्रशंसा पत्रले समेत सम्मानित गरेको थियो ।