विराटनगर– पूर्वाञ्चल विश्वविद्यालयको १३ औँ दिक्षान्त समारोहमा आठ हजार १५० जना विद्यार्थी दिक्षित भएका छन् । समारोहमा दिक्षित हुनेमा व्यवस्थापन संकायबाट एफफिल गर्ने एक जना, स्नात्कोत्तर तह उतिर्ण गरेका एक हजार २६२ र स्नातक तह उतिर्ण गरेका छ हजार ८८७ जना दिक्षित भएका हुन् । 

दिक्षित हुनेमा इञ्जििनियरिङ संकायका एक हजार ४४२, विज्ञान तथा प्रविधि संकायका ६५४, चिकित्साशास्त्र संकायका दुई हजार १९८, व्यवस्थापन संकायका दुई हजार २४९, शिक्षाशास्त्र संकायका ९०६, कानून संकायका ४९७ र कला संकायका २०४ जना रहेका छन् । 

दिक्षन्त समारोहको उद्घाटन प्रधानमन्त्री तथा विश्वविद्यालयका कुलपति केपी शर्मा ओलीले गरेका थिए । उनले देश विकासका लागि आवश्यक दक्ष जनशक्ति उत्पादनमा पूर्वाञ्चल विश्वविद्यालयको योगदान महत्वपूर्ण रहेको बताएका छन् ।