विराटनगर

अन्तर्राष्ट्रिय मानवीय सेवामा लागेको संस्था लायन्सलाई चुनावी चटारोले छोएको छ । हरेक वर्ष लायन्स अन्तर्राष्ट्रियमा नेतृत्व परिवर्तन हुने गर्छ सोहि अनुसार संसारभरी छरिएर रहेका १४ लाख भन्दा बढी लायन्सहरुले चुनाव मार्फत नेतृत्व परिवर्तन गर्ने गर्दछन । सोही अनुरुप कोशी प्रदेशको अधिकाश भुभाग ओगट्ने ३२५ सी को नेतृत्व परिवर्तन हुन लागेको हो ।

गभर्नरमा गत बर्षका प्रथम भाइस डिस्ट्रीक्ट गभर्नर बबरजङ्ग थापा र गत बर्षका द्वितीय भाइस डिस्ट्रीक्ट  गभर्नर लिला प्रसाद चिमरिया प्रथम डिस्ट्रीक्ट गभर्नरमा चयन हुनेछन भने हालका कोषाध्यक्ष रमेश खत्रीले द्वितीय भाइस डिस्ट्रीक्ट गभर्नरमा उम्मेद्बारी दर्ता गरि प्रचार प्रसारमा सक्रिय छन ।

साथै अन्तर्राष्ट्रिय डाइरेक्टरको प्रत्यासीका रुपमा हुने निर्वाचनका प्रत्यासीका रुपमा पुर्व डिस्ट्रीक्ट गभर्नर लिला कुमार ढुङ्गेलले उम्मेद्बार रहेकाछन ।

द्वितीय भाइस डिस्ट्रीक्ट गभर्नरमा उम्मेद्बारी दिएका खत्री सन २०१५ मा लायन्स क्लब अफ विराटनगर मेट्रोको सद्स्य भइ लायन्स जीवनको सुरुवात गरि २०१६ /१७ मा लायन्स क्लब अफ बरगाछीको प्रथम उपाध्यक्षको रुपमा कार्य गर्दै लायन्सको नेतृत्व अभियानमा होमिएका ब्यक्तित्व हुन ।

२०१८/१९ मा लायन्स क्लब अफ बरगाछीको अध्यक्षका रुपमा नेतृत्व गर्दै क्लबलाई नयाँ उचाइमा पुर्याएर लायन्स डिसट्रीक्ट तर्फ जोन चेयर पर्सन , एरिया कोअर्डिनेटर एडिसनल क्याबिनेट सेक्रेटरी ,चिफ एरिया कोअर्डिनेटर हुँदै हाल कोषाध्यक्षका रुपमा उत्कृष्ट कार्य गर्दै आएका व्यक्तित्वका रुपमा लायन्सहरु माझ खत्री  परिचित छन ।

उनको उत्कृष्ट कामको सम्मान गर्दै लायन्स क्लब अन्तर्राष्ट्रियले समेत उनलाई अन्तर्राष्ट्रिय प्रेसिडेन्ट मेडल , GAT मेडल , LCI प्रेसिडेन्ट सर्कल लगायतबाट सम्मानित गरेको छ भने डिस्ट्रीक्ट बाट बेस्ट क्लब प्रेसिडेन्ट लगायतका अवार्ड हरु क्याबिनेट अफिसरका रुपमा पाउने अवार्डहरुबाट समेत उनी सम्मानित भएका छन ।
 

 उम्मेद्बारी घोषणा गरेर ३२५ सी को कार्य क्षेत्र भरी गरेको प्रचार प्रसार कार्यक्रममा  लायन्सहरुको विशाल  सहभागिता बाट उनको लोकप्रियता लायन्सहरुमाझ रहेको देख्न सकिन्थ्यो ।

आफ्नो उम्मेद्बारी नै किन भन्ने प्रश्नमा उनी भन्छन " मैले विगत लामो समय देखि लायन्सको अभियानमा होमिएर सेवा गर्ने अवसर प्राप्त गर्दै गर्दा यस सस्था प्रतिको माया सम्मान अझ बढेको , ३२५ सी भरिका धेरै लायन्सहरुको इच्छा र चाहाना समेत उमेदवारका रुपमा रमेश खत्री उपयुक्त उमेदवार भन्ने सर्वेक्षणले देखाएको  र यसमा डिस्ट्रीक्टको  सर्वोच्च पदमा पुगेर सेवा गर्दा आफ्ना केही योजनाहरु समेत रहेको साथै  सो पूरा गर्ने उपयुक्त गन्तव्य डिस्ट्रीक्ट गभर्नर पद रहेकोले उम्मेद्बारी दिएको हो । "

लायन्स डिस्ट्रीक्ट ३२५  सी को तेस्रो अधिवेशन यहि चैत्र २३ गते विराटनगर स्थित होटल स्वागतममा सम्पन्न हुँदैछ भने एक हजार भन्दा बढी लायन्सको सहभागिता रह्ने छ । जसले कोशी प्रदेश सरकारले मनाउन लागेको पर्यटन वर्षलाई  समेत टेवा पुग्ने देखिन्छ ।