विश्व क्यान्सर दिवसको अवसर पारेर क्यान्सर विरुद्ध सचेतना जगाउने उदेश्यले लियो जिल्ला परिषद ३२५ सीको आयोजना तथा नोबेल मेडिकल कलेज क्यान्सर अस्पताल संगको सगको सहकार्यमा विराटनगर रन कार्यक्रम भब्य रुपमा सम्पन्न भएको छ । 

नोबेल क्यान्सर अस्पताल विराटनगर देखि शहिद रंगशाला सम्मको ५ किलोमीटर दुरिमा रन आयोजना भएको थियो । जसमा   केनियाली धावक  जुलियस म्युनिकी वाहोमले प्रथम स्थान हासिल गरे भने दोश्रो स्थानमा यम राज खत्री भए भने तेस्रो स्थान सरोज लिम्बूले सुरक्षित गरे । 

त्यस्तै महिला तर्फ   बिमला तामाङले प्रथम स्थान ओगटिन भने दितिय स्थान इन्द्र कला नेम्वाङ भइन भने तेस्रो स्थान पुष्पा शेर्मा लिम्बुले सुरक्षित गरिन ।

कक्षा १२ सम्मका विद्यार्थी तर्फ अमर यादव  प्रथम भए । दोश्रो कालुमान राई  र  तेस्रो स्थान अशोक कुमार मण्डलले  हात पारे । 

कोशी प्रदेशका सामाजिक बिकास मन्त्री पाँचकर्ण राई ले उद्घाटन गरेको दौड प्रतियोगितामा पुरुष तर्फ प्रथम दितिय  र तृतीय हुनेले क्रमस ३० हजार , १५ हजार र १० हजार प्राप्त गरे भने महिला तर्फ समेत सोही राशीको पुरस्कार प्राप्त गरे । त्यस्तै कक्षा १२ सम्म को बिद्यार्थी तर्फ प्रथम दितिय र तृतीय हुनेले पाँच हजार  , तीन हजार  र  एक हजार  प्राप्त गरे । 

स्लो साइकल रेसमा प्रथम हुँदै दिप सागर तामाङले १० हजार प्राप्त गरे दोश्रो हुँदै सेमाङ लिम्बुले ५००० प्राप्त  गरे भने तेस्रो हुँदै सचिन कुमार साहले ३००० प्राप्त गरे ।साथै ट्राइसाइकल रेस समेत सम्पन्न भएको थियो ।

त्यस्तै सोही अवसरमा बिराटनगरका बिभिन्न कलेज तथा सस्थाहरुको सहभागितामा शहिद मैदान बाट  जलजला चौक गोल्छा चौक हुँदै पुन शहिद मैदान सम्म सचेतना र्यालीको आयोजना गरिएको थियो । धेरै समय पछि बिराटनगरमा यस किसिमको बृहत सचेतना र्याली आयोजना भएको हो । 

साथै नोबेल अस्पताल प्राङ्गणमा बृहत् सास्कृतिक कार्यक्रमको समेत आयोजना गरिएको थियो । जसमा विराटनगरको चर्चित शुभम एन्ड ब्याण्डले आफ्नो प्रस्तुती दिएको थियो भने नोबेल अस्पतालका कर्मचारी तथा लियो क्लबमा आबद्ध युवाहरुले आफ्नो प्रस्तुती दिएका थिए । 

कार्यक्रममा आफ्ना धारणा राख्दै सामाजिक बिकास मन्त्री राइले युवाहरु सहभागी भएर सचेतना मुलक कार्य गर्नु सराहनीय भएको र यस किसिमको कार्यक्रमले युवाहरू जागरुक छन भन्ने महसुस हुने र समाजमा सकारात्मक धारणाको बिकास हुने बिचार ब्यक्त गरे । 

नोबेल मेडिकल कलेजका निर्देशक डाक्टर राजेश नेपालले  क्यान्सरले समाजमा तिब्र गति लिदै गएको र समयमा नै ध्यान नदिए यसले भयावह स्थिति निम्त्याउने हुँदा सचेतनाका कार्यक्रमहरु बृहत् रुपमा हुनु पर्ने महसुस गरि यस पटक लियो सगको सहकार्यमा कार्यक्रम आयोजना गरिएको र  लियो सगको अस्पतालको पहिलो सहकार्य रहेको  भए पनि  भब्य रुपमा सम्पन्न भएको आफुले महसुस गरेको र आगामी दिनमा सहकार्य गर्न तयार रहेको बताए ।

जिल्ला परिषद अध्यक्ष शिव शंकर मण्डलले समाजमा क्यानसर प्रतिको गलत बुझाइ रहेका कारण क्यान्सरलाई भयानक रोग मान्ने प्रचलन रहेको र सोहि लाई चिर्दै समाजमा सकारात्मक सोचको बिकास गर्दै अघि बढ्न कार्यक्रमको आयोजना गरिएको र नोबेल अस्पतालले यसमा साथ दिएको कारण भब्य रुपमा सम्पन्न भएकोमा आफु र आफ्नो टिम हर्षित रहेको बताए । 

कार्यक्रममा प्रदेश  स्वास्थ्य निर्देशनालय  कोशी प्रदेशका निर्देशक ज्ञान बहादुर बस्नेत , लायन्स अन्तर्राष्ट्रिय ३२५ सि का गभर्नर बिकास अधिकारी , पुर्व काउन्सिल चेयरमेन राजन खत्री , पुर्व गभर्नर भिम प्रसाद घिमिरे , नोबेल अस्पतालका डाइरेक्टर राजेश नेपाल लगायत , नोबेल अस्पतालका कर्मचारी , बिद्यार्थी , विभिन्न लियो क्लबका पदाधिकारी र आम सर्वसाधारणको भब्य उपस्थिति रहेको थियो ।