बिराटनगर जूनियर जेसीजले वर्ष २०२५ को पदस्थापन  तथा पुरस्कार वितरण समारोह  विराटनगर बसपार्क स्थित आर के प्यालेसमा सम्पन्न गरेको छ।

विराटनगर जूनियर जेसीज वर्ष २०२४ का अध्यक्ष गौरव कर्णले बर्ष २०२५ की अध्यक्ष आयुषा खतिवडालाई सपथ  गराएका थिए भने सो पश्चात् अध्यक्ष खतिवडाले बोर्ड तथा मनोनीत पदाधिकारीलाई सपथ गराएकी थिइन ।

सो  कार्यक्रममा बिराटनगर जूनियर जेसीज  वर्ष २०२४ की महासचिव दिया बानियाँलाई उत्कृष्ठ बोर्ड सद्स्य पुरस्कार,वर्ष २०२४ का सदस्य वृद्धि संयोजक आदित्य कोइराला लाई उत्कृष्ट सदस्य पुरस्कार , जूनियर जेसीज की अब्जर्भर  सुहानि श्रेष्ठ उत्कृष्ट अब्जर्भर  ,वर्ष २०२४ का आइटी कोअर्डिनेटर सार्थक गौतम उत्कृष्ट कार्यक्रम संयोजक पुरस्कारबाट सम्मानित भए । 

बिराटनगर जुनियर जेसीजका पुर्व अध्यक्ष सनराइज चौधरी निर्वाचन आयुक्त रहेको सो कार्यक्रममा  संयुक्ता पोख्रेल लाई उत्कृष्ट ककस अवार्ड,आदित्य कोइरालालाई सक्रिय सहभागी अवार्डबाट   सम्मानित गरिएको थियो। 

कार्यक्रममा शुभकामना मन्तव्य प्रमुख अतिथी प्रीतेश राज दाहाल  सस्थापक अध्यक्ष डाक्टर सन्देश दास श्रेष्ठ , विराटनगर जेसीज बोर्ड अफ ट्रस्ट अध्यक्ष प्रज्वल लाल श्रेष्ठ ,पुर्व अध्यक्ष हरिबहादुर थापा , घनश्याम राठी , सन्दिप दास श्रेष्ठ , जुनियर पुर्व अध्यक्ष बिकल्प न्यौपाने लगायतले कार्यकाल सफलता , उत्कृष्ट कार्य सम्पन्न हुने बिश्वास , जेसीजको गरिमा बढाउने कार्यमा अगाडि रहन सकोस भन्ने शुभकामना दिनु भयो । 

निवर्तमान अध्यक्ष गौरव कर्णले आफ्नो कार्यकालमा सहयोग गर्ने सबैलाइ धन्यवाद ब्यक्त गर्दै जुनियरको सफलता सग आफ्नो सफलता जोडिएको र सो को गरिमालाइ कायम राख्न आफू सदैव आगामी दिनमा समेत सहयोगि भुमिका निर्वाह गर्ने बताउदै जुनियरबाट सिकेका कुरालाई आत्मसात गर्दै  आगामी दिनमा बिराटनगर जेसीजमा समेत अगाडि बढ्ने प्रतिबद्धता ब्यक्त गर्नुभयो । 

अध्यक्ष खतिवडाले आफ्नो भनाइ राख्दै बर्षलाई सुखद र परिणाममुखी बनाउन कुनै कसर बाकी नराख्ने र ३० बर्षको इतिहास बोकेको जुनियर जेसीजलाई विराटनगर जेसीज सगको समन्वयमा अझ क्षमतावान बनाउदै अघि बढ्ने प्रतिबद्धता ब्यक्त गर्नुभयो । 

उक्त कार्यक्रममा प्रमुख अथिति बिराटनगर जेसीजका  अध्यक्ष प्रीतेशराज दाहाल तथा बोर्ड  ,विराटनगर जूनियर जेसीजका संस्थापक अध्यक्ष डाक्टर  संदेश दास श्रेष्ठ,विराटनगर जेसीज बोर्ड अफ ट्रस्ट अध्यक्ष प्रज्वल लाल श्रेष्ठ ,विराटनगर जेसीजका भूतपूर्व अध्यक्षहरु ,जूनियर जेसीजका भुतपुर्व अध्यक्षहरु लगायतको उपस्थिति रहेको थियो भने विभिन्न शाखाका  अध्यक्ष ,पदाधिकारीहरु समेतको उपस्थिती थियो ।