हल्दीबारी झापा । 
हल्दीबारी जेसीजले  विशेष कार्यक्रम गरि आफ्नो सचिवालय स्थापना भएको घोषणा गरेको छ ।  जनवरी एक अर्थात अङ्ग्रेजी क्यालेन्डर अनुसार बर्षको पहिलो दिन, नयाँ बर्ष सङ्गै जेसीजहरुको कार्य सुरुवात गर्ने दिन नयाँ आयाम र जोश सहित सकारात्मक परिवर्तन गर्ने लक्ष्य लिएर नेपाल जेसीजको ५१ औ महाअधिवेशनबाट प्रस्तावित भई आजको दिनबाट औपचारिक कार्यक्रमको थालनी गरिएको हल्दीबारी जेसीजकी  संस्थापक अध्यक्ष जेसी युनिता दवाडीले जानकारी दिइन ।

 
उक्त कार्यक्रमको प्रमुख अतिथिमा हल्दीबारी गाउँपालिकाका उपाध्यक्ष लक्ष्मी देबि मैनाली, विशिष्ट अथिती हल्दीबारी गाउँपालिका वडा नं ४ का वडाअध्यक्ष सन्तोष थापा लगायत  जनप्रतिनिधि एवम् विभिन्न संस्थाका पदाधिकारी लगायत अन्य सदस्यहरुको पनि उपस्थिति रहेको थियो ।

 कार्यक्रमको सुरुवात हल्दीबारी गाउँपालिका उपाध्यक्ष लक्ष्मी देबि मैनालीले जेसीजको ब्यानर बाचन गर्दै आचार्य पण्डित अर्जुन भट्टराई ज्यू बाट स्वस्ती शान्ती मन्त्रोच्चारण गरी भएको थियो ।

 रेडक्रस झापा (जलथल शाखा) का अध्यक्ष रेम खरेल, हल्दीबारी गाउपालिका वडा नम्बर ४ का वडा सदस्य सुरेन्द्र बाराकोटी, आचार्य पण्डित अर्जुन भट्टराई , हल्दीबारी जेसीजका अध्यक्षीय सल्लाहकार हिमा पौड्याल लगायतले शुभकामना मन्तव्य राखेको उक्त कार्यक्रममा प्रमुख अतिथि उपाध्यक्ष मैनालीले  हल्दीबारीमा जेसीजको आवश्यकता रहेको र हल्दीबारी जेसीजको स्थापनाले आफू  अत्यन्त खुसी रहेको बिचार ब्यक्त गरिन  । "भविष्यमा राम्रो कार्य गर्दै जानु , हल्दीबारी गाउँपालिका सदैव साथ रहनेछ" उपाध्यक्ष मैनालीले उद्घोष गरिन   ।