विराटनगर जेसीजको स्थापना दिवस
विराटनगर जेसीजले आफ्नो ५२ औं स्थापना दिवस विविध कार्यक्रमको आयोजना गरि मनाएको छ ।
विराटनगरमा पहिलो रक्तदान गर्ने सस्थाको रुपमा रहेको विराटनगर जेसीजले स्थापना दिवसको अवसरमा विराटनगर स्थित एम्स कलेजमा रक्तदान कार्यक्रमको आयोजना गर्यो । सो क्रममा एम्स कलेजका विधार्थीहरु लगायत ले स्वस्फूर्त रुपमा रक्तदान गरेका थिए ।
सो कार्यक्रममा कलेजका प्रीन्सिपल शशांक पोखरेलको प्रमुख आतिथ्य तथा नेपाल जेसीजका पुर्व राष्ट्रिय अध्यक्ष फुलकुमार लालवाणीको विशेष आतिथ्यमा सम्पन्न भएको थियो ।
त्यस्तै स्थापना दिवसको अवसर पारेर विराटनगर जेसीजको सचिवालयमा विशेष कार्यक्रमको आयोजना गरि स्थापना दिवसलाई भब्यताका साथ मनाइएको थियो ।
सो कार्यक्रममा कोशी प्रदेश स्वास्थ्य मन्त्रालयका सचिव डाक्टर राधिका थपलियालाई स्वास्थको क्षेत्रमा पुर्याएको योगदानको कदर गर्दै सम्मान गरिएको थियो । आधा आकास ढाक्ने नारीहरु पछाडि परेको सन्दर्भमा नारी भएर कार्यकारी पदमा पुग्दै आम जनतालाई स्वास्थ सेवा प्रभावकारी रुपमा पुर्याउने कार्य गरि नेपालको महिलाहरुका लागि प्रेरणा बनेकोमा सम्मान पत्र र दोसल्ला सहित उहाँलाई सम्मानित गरिएको हो ।
सो अवसरमा आफ्नो बिचार राख्दै विराटनगर जेसीजका पुर्व अध्यक्ष श्याम सुन्दर पौडेल मिलनले विराटनगर जेसीज आफैमा इतिहास बोकेको सस्था भएको र स्वास्थको क्षेत्रमा योगदान पुर्याएको ब्यक्तित्व स्वास्थ सचिवलाई सम्मान गर्न पाउँदा गौरवान्वित भएको र विराटनगर जेसीज लगायतका जेसीजमा लागेका युवाहरु प्रदेश स्वास्थ मन्त्रालय सग सहकार्य गरि स्वास्थ सचेतनाका क्षेत्रमा सहकार्य गर्न तयार रहेको र सहजीकरणका लागि आफू सदैव तयार रहेको बताउनु भयो ।
कार्यक्रममा स्थापना दिवसको अवसरमा आफ्ना संस्थापक अध्यक्ष स्वर्गीय राजेन्द्र बहादुर श्रेष्ठको योगदानको चर्चा समेत गरिएको थियो ।
कार्यक्रममा आफ्ना बिचार ब्यक्त गर्दै नेपाल जेसीजका पुर्व राष्ट्रिय अध्यक्ष तथा विराटनगर जेसीजका पुर्व अध्यक्ष फुल कुमार लालवाणीले विराटनगर जेसीजको स्थापना भए पश्चात् भएका सबै पुर्व अध्यक्षहरुको योगदानले आजको स्थितीमा आइपुगेको उल्लेख गर्दै आगामी पुस्ताले समेत नव युवाहरु लाई समेट्दै जेसीजलाई विराटनगर भरिका युवाहरुको सस्थाको रुपमा अघि बढाउनु पर्नेमा जोड दिनुभयो ।
सम्मानित ब्यक्तित्व तथा कोशी प्रदेश स्वास्थ्य मन्त्रालयका सचिव डाक्टर राधिका थपलियाले सम्मानले आफुलाई अझ उर्जाशिल भएर कार्य गर्न प्रेरणा मिलेको बताउदै , जीवनको उर्जाशिल समय १८ देखि ४० बर्षका युवाहरुको सस्थाले गर्ने कार्यहरुका वारेमा जानकारी प्राप्त गरेको र आगामी दिनमा कोशी प्रदेश भरिका जेसीजहरु सङ्ग सचेतना लगायतका क्षेत्रमा सहकार्य गरि कार्य गर्न सदैव तयार रहेको बताउनु भयो ।
विराटनगर जेसीजका अध्यक्ष प्रीतेशराज दाहालले विराटनगर जेसीज युवाको क्षेत्रमा नेतृत्व र ब्यक्तित्व विकास गर्ने संस्थाका रुपमा परिचित रहेको र सस्थापक अध्यक्ष स्वर्गीय राजेन्द्र बहादुर श्रेष्ठले कोरेको गोरेटोमा अघि बढदै ५२ औ बर्षमा अघि बढिरहेको बताउदै आगामी दिनमा अझ सशक्त भएर अघि बढ्ने प्रतिबद्धता व्यक्त गर्नुभयो ।
कार्यक्रममा उपाध्यक्ष मनोज तिवारीले सबैलाई स्वागत गर्दै स्वागत मन्तव्य राख्नु भएको थियो भने वरिष्ठ कार्यकारिणी उपाध्यक्ष कविराज दाहालले कार्यक्रम माथि प्रकाश पार्नु भएको ,रक्तदान कार्यक्रमको कार्यक्रम सयोजक प्रबिन भुजेल तथा स्थापना दिवसको कार्यक्रम सयोजक पवन काफ्ले रह्नुभएको साथै पुर्व अध्यक्षहरु विराटनगर जेसीज बोर्ड पदाधिकारी सदस्य , विराटनगर जुनियर जेसीज अध्यक्ष लगायतका ब्यक्तित्वहरुको सहभागिता रहेको विराटनगर जेसीजका जन सम्पर्क अधिकारी अभिषेक गौतमले जानकारी दिनुभयो ।
View : 437
Copyright © 2023 -2025. Akhabar ka kura | News. All Rights Reserved