अस्ट्रेलियाको सिडिनीमा नेपाली सामुदायले मौलिक पर्व होली विभिन्न कार्यक्रमको आयोजना गरि मनाउने भएका छन ।  

सिडनी नजिकै पर्ने ओलङगन इलावरामा रहेको ,  ओलङगन इलावरा  नेपाली समाजले  होलीको  अवसरमा नेपाली सामुदायहरु बिच   होली कार्यक्रम आयोजना गरि मनाउन लागेको हो । 

सस्कृती जगेर्ना र नयाँ पुस्तालाई नेपाली चाड पर्व र यसको महत्त्व बुझाउनका लागि रङ्गहरुको पर्व होलि विविध कार्यक्रम  आयोजना गरि हरेक बर्ष मनाउने गरिएको र यस बर्ष पनि विविध कार्यक्रम गरि मनाउन लागिएको विराटनगर निवासी तथा हाल अस्ट्रेलियामा बसोबास गर्दै आएका समाजका पुर्व उपाध्यक्ष सक्रिय कोइरालाले जानकारी दिए ।

समाजले अस्ट्रेलियामा आपत बिपतमा परेका नेपालीहरुलाइ सहयोग , संस्कृती जगेर्नाका लागि विभिन्न कार्यक्रमको आयोजना , नेपालीहरु बीच एकता र आपसी भाइचारा बढाउनका लागि विभिन्न माध्यमबाट नेपाली समाजलाई जोड्दै आइरहेको गएको दशै तिहार मा समेत सबै मिलि भेला भइ मनाइएको कोइरालाले जानकारी दिए । 
होली कार्यक्रममा निशुल्क प्रवेशको ब्यबस्था रहेको छ भने डान्स , लाइभ म्युजिक , विभिन्न खेलहरु , खानाका विभिन्न स्टलहरु सगै सबै मिलि रङ्गमय होलिमा रमाउन लागिएको संस्थाले जानकारी दिएको छ । 

मार्च ८ गते विदाको अवसर पारेर लाङ पार्क ओलङगनमा उक्त होली कार्यक्रमको आयोजना हुनेछ । सबै त्यस क्षेत्रमा बसोवास गर्ने नेपालीहरु लाई सस्थाले उपस्थितिका  लागि अनुरोध गरेको छ । 

नेपाल भन्दा टाढा रहेर पनि नेपाली भाषा धर्म र संस्कृतीको जगेर्नामा नेपालीहरुले स्थापना गरेका सामाजिक संस्थाहरुले योगदान दिदै आएका छन  ।