हिसान कोशी प्रदेश अन्तर क्रिकेट
विराटनगर / विराटनगरको अरनिको कलेज प्रथम कोशी प्रदेश स्तरीय अन्तर कलेज क्रिकेट प्रतियोगिताको उपाधि जितेको छ ।
आज भएको फाइनल खेलमा विराटनगरको ग्रिनल्याण्ड कलेजलाई ६४ रनले पराजित गर्दै अरनिको कलेजले उपाधि माथि कब्जा जमाउन सफल भएको हो ।
अरनिकोले माघमा १५ गते विरानगरमा भएको मोरङ हिसान क्रिकेट प्रतियोगिताको फाइनलमा ग्रिनल्याण्ड कलेजलाई नै पराजित गरि उपाधि जितेको थियो ।
हिसान कोशीको आयोजना तथा हिसान मोरङको संयोजकत्वमा विराटनगरको वैजनाथ क्रिकेट मैदानमा भएको फाइनल खेलमा टस जितेर ब्याटिङ गरेको अरनिकोले निर्धारित २० ओभरमा ८ विकेट गुमाई १ सय ४३ रनको योगफल खडा गरेको थियो ।
अरनिकोका सोनु साहले ४४ रन बनाउँदा नुमिर अहमदले ३६ रन र सौरभ झाले २३ रन बनाउदै टिमलाई बलियो स्थितिमा पुर्याए ।
ग्रिनल्याण्डका गणेश यादवले ३ विकेट लिँदा सुनिल यादव र गौरी शंकर यादवले २–२ विकेट लिए ।
१ सय ४४ रनको लक्ष्य पछ्याएको ग्रिनल्याण्डले १८ औ ओभरको चौथो बलमा सवै विकेट गुमाई ७९ रन मात्र बनाउन सक्यो। ग्रिनल्याण्डका हेमन्त मेहताले १८ रन बनाउँदा सुनिल यादवले १३ रनको योगदान दिए ।
अरनिकोका रामनारायण यादवले ३ विकेट लिँदा अमर यादवले पनि ३ विकेट लिए ।
फाइनल खेलमा प्लेयर अफ फाइनल अरनिकोका नुमिर अहमल घोषित भए भने प्लेयर अफ टुनामेन्ट ग्रिनल्याण्डका गणेश यादवले जिते । त्यस्तै उत्कृष्ट ब्याट्स म्यान अरनिकोका रुद्रप्रताउ साह घोषित हुँदा उत्कृष्ट बलर अरनिको कै अमर यादव घोषित भए ।
फागुन २६ गतदेखि शुरु भएको प्रतियोगितामा कोशी प्रदेशका मोरङ, सुनसरी र झापाका गरि ६ टिमको सहभागिता रहेको थियो । विजयी तथा खेलाडीहरुलाई प्रमुख अतिथि हिसानका केन्द्रीय उपाध्यक्ष भेषराज पोखेल, हिसान कोशी अध्यक्ष ज्ञानबहादुर खडका र हिसान मोरङका पूर्व अध्यक्ष बलराम पन्तलगायतले ट्रफि तथा प्रमाण पत्र वितरण गरेका थिए ।
View : 84
Copyright © 2023 -2025. Akhabar ka kura | News. All Rights Reserved