Biratnagar, Morang, Nepal
राजनीति

एमाले मोरङ अधिबेशन

नेकपा एमाले मोरङको अधिबेशनमा ८८८ जनाले गरे मतदान: मतगणना बिहीबार बिहानबाट हुने

अधिवेशनमा ९११ जना प्रतिनिधि रहेकोमा ८८८ जनाले आफ्नो मताधिकार प्रयोग गरे भने २३ जना अनुपस्थित रहे। मतदान कार्यक्रम उद्घाटन स्थल विराटनगरस्थित होटल मनास्लु इनमा सम्पन्न भएको थियो ।
-
अखवारका कुरा
२१ फागुन २०८१, बुधवार

Advertisement

विराटनगर । नेकपा एमाले मोरङको नयाँ नेतृत्व चयनका लागि बुधबार सम्पन्न मतदानमा ९७ प्रतिशत मत खसेको छ। निर्वाचन अधिकृत डिल्लीराम घिमिरेका अनुसार, बिहान १० बजे सुरु भएको मतदान बुधबार बेलुकी सम्पन्न भएको हो ।

अधिवेशनमा ९११ जना प्रतिनिधि रहेकोमा ८८८ जनाले आफ्नो मताधिकार प्रयोग गरे भने २३ जना अनुपस्थित रहे। मतदान कार्यक्रम उद्घाटन स्थल विराटनगरस्थित होटल मनास्लु इनमा सम्पन्न भएको थियो ।

सम्पन्न मतदानको मतगणना एमाले मोरङ पार्टी कार्यालय विराटनगर पाञ्चालीमा भोलि बिहानदेखि सुरु हुनेछ ।

पार्टीको नयाँ नेतृत्व चयनका लागि संस्थापन पक्ष र इतर समूहबीच प्यानलगत प्रतिस्पर्धा भएको छ । संस्थापन समूहबाट अध्यक्षमा राजकुमार ओझा, उपाध्यक्षमा शान्ति लिम्बू भुजेल, सचिवमा रविन थापा तथा उपसचिवद्वयमा शिल्पा निराला कार्की र इर्जालाल राजवंशी प्रतिस्पर्धामा छन्। इतर समूहबाट भने अध्यक्षमा अजम्बर राई, उपाध्यक्षमा सागर थापा, सचिवमा सोमराज थापा तथा उपसचिवद्वयमा सन्तोष बान्तवा र उषा झा (ठाकुर) उम्मेदवार छन्।

३२५ जनाले अधिबेशनमा मनोनयन दर्ता गराएकामा  ७१ जना निर्विरोध निर्वाचित भए भने ६३ जनाले उम्मेदवारी फिर्ता लिए। शनिबारदेखि जारी अधिवेशनमा नेतृत्व विवादले गर्दा निर्वाचन प्रक्रिया लम्बिएको थियो । एमाले मोरङको अधिबेशनले  पाँच पदाधिकारीसहित १६५ सदस्यीय कार्यसमिति चयन गर्नेछ।

View : 84

Copyright © 2023 -2025. Akhabar ka kura | News. All Rights Reserved