विराटनगर  । कोशी प्रादेशिक क्रिकेट सँघ कोशी प्रदेशको आयोजनामा प्रधानमन्त्री कप–२०८१ छनोट प्रतियोगिताको  मंगलबार भएको खेलमा झापा र सुनसरी विजयी भएको छ ।

वैजनाथ क्रिकेट मैदानमा भएको खेलमा झापाले इलामलाई  ६ विकेटले पराजित गरेको छ । जित पछि झापा ३ खेलमा २ मा जित १ मा पराजित हुदै ४ अंककासाथ तेस्रो स्थानमा छ भने इलाम ४ खेलमा  १ जित र ३ खेलमा पराजित हुँदै २ अंका साथ चौथो स्थानमा रहेको छ ।

टस जितेर ब्याटिङ गरेको इलामले निर्धारित ५० ओभरको खेलमा ३७ दशमलव २ बलमा सवै विकेट गुमाई सय १४ रनको योगफल तयार पारेको थियो । इलामकालागि लव कामतले २७ रन बनाउँदा गौतम राईले २४ रनको योगदान दिए । झापा का  प्लेयर अफ म्याच  विपिनकुमार महतोले ३ विकेट लिँदा ज्ञानबहादुर श्रेष्ठले पनि ३ विकेट लिए ।

१ सय १५ रनको लक्ष्य पछ्याएको झापालले ३८ ओभरमा ४ विकेट गुमाई सो विजयी लक्ष्य पार गरेको थियो । झापाका समिर कार्कीले अविजित ३२ रन बनाउँदा  अमन गोयलले २८ रनको योगदान दिए । इलामका गौरभ भट्टराई, हेमल राई, श्याम यादव र लव कामतले १–१ विकेट लिए ।

मेरिवोन ज्वाला विराटनगर क्रिकेट मैदानमा भएको खेलमा सुनसरीले घरेलु टाली मोरङलाई ४६ रनले पराजित गरेको छ । जित पछि सुनसरी ३ खेलमा तीनै खेल जितेर ६ अन्कका साथ शिर्ष स्थानमा उक्लियो भने मोरङ ३ खेलमा २ मा जित र १ मा पराजित हुँदै ४ अंकका साथ दोस्रो हुन पुग्यो ।

टस हारेर जितेर ब्याटिङ गरेको सुनसरीले निर्धारित ५० ओभरमा ८ विकेट गुमाई १ सय ५४ रनको योगफल बनायो । सुनसरीका सुमन घतानीले  ४७ रनको योगदान दिँदा गौरभ कटवालले ४० रनको योगदान दिए । मोरङका प्रेम कामतले २ विकेट लिँदा श्रवण किस्कुले पनि २ विकेट लिए ।

१ सय ५५ रनको विजयी लक्ष्य पाएको मोरङले ४१ ओभरमा सवै विकेट गुमाई १ सय ८ रनमा सिमित भयो । मोरङका सकिव हकले २८ रनको योगदान दिँदा चिराग साहले रन र दिपेश कँडेलले २२ रनको योगदान दिए । सुनसरीका प्लेयर अफ म्याच गौरब  कटवालले ३ विकेट लिँदा प्रकाश कार्कीले पनि ३ विकेट लिए ।

लिगको आधारमा खेलाइएको खेलमा कोशी प्रदेशका मोरङ, झापा, सुनसरी, इलाम र उदयपुर गरि ५ टिम सहभागी रहेका छन् ।