विराटनगर– दुई पाङ्ग्रे सवारीसाधनमा नाम कमाएको भेष्पा र एप्रिलिया स्कुटरको विराटनगरमा शोरुम संचालनमा आएको छ । भेष्पा र एप्रिलिया ब्रान्डको स्कुटर को शोरुम विराटनगरमा नरहेको र यसका लागि इटहरी जानू पर्ने आवश्यकता रहेकोमा अब भने विराटनगरमै ग्राहकले छानी छानी आफुलाई मनपरेको  स्कुटर खरिद गर्न पाउने भएका छन । 

गौरब अटो सेन्टरले विराटनगरको बरगाछीमा ‘एप्रिलिया भेष्पा स्कुटर’को शोरुम सञ्चालनमा ल्याएको हो । सो शोरुमको उद्घाटन कोशी प्रदेशका  पूर्वमुख्य न्यायाधिवक्ता रुपेश कोइरालाले गरेका थिए । 

गौरब अटो सेन्टरले ४ करोड लागतमा सञ्चालन गरेको उक्त शोरुममा एप्रिलिया स्कुटर २ लाख ८८ हजारदेखि ४ लाख ६५ हजारसम्मका र भेष्पाको ३ लाख १ हजारदेखि ४ लाख ४२ हजार रुपैयाँ मूल्यसम्मको विभिन्न ब्राण्डको स्कुटर उपलब्ध रहेको छ । 

 सन् १९४६ देखि हालसम्म ७९ वर्षको इतिहास बोकेको एप्रिलिया भेष्पा इटालियन स्कुटर कम्पनी भएको र यसको आकर्षक मोडेल तथा आउटलुकका साथै मेटल र फाइबर दुबै किसिमको बडी रहेको तथा  दुई वर्षको वारेण्टीका साथै स्पेयर पार्टस सहजै उपलब्ध हुनुका साथै नगदमा स्कुटर खरिद गर्नेलाई १० हजार क्यास ब्याक, कप, की रिंग, ज्याकेट र हेल्मेट उपलब्ध गराउने गौरव अटोका सञ्चालक गौरब सिंहले जानकारी दिए । 

विराटनगरको वरगाछीमा रहेको गौरव अटो सेन्टरमा पहिले देखि नै सिटि सफारीको समेत बिक्री बितरण र सर्भिसका कार्यहरु हुँदै आएकोमा अब स्कुटर मार्फत गौरव अटोले आफ्नो सेवा क्षेत्रको दायरालाई फराकिलो बनाएको छ ।