विराटनगर  जेसीजले विराटनगर १० तिनटोलिया स्थित मानवसेवा आश्रमको प्राङ्गणमा खाद्यन्न वितरण गरेको छ । विराटनगर  जेसीजले आश्रमका आश्रित आमाहरुलाई  चामल, दाल, चिउरा , भुजा  लगायतका खाद्यान्न सामाग्री हस्तान्तरण गरिएको हो ।

  विराटनगर  जेसीजका अध्यक्ष प्रितेश राज दाहालको  अध्यक्षतामा सम्पन्न खाद्यान्न वितरण कार्यक्रममा विराटनगर महानगरपालिका वडा नम्बर  १० का वडाअध्यक्ष अर्जुन गिरि को प्रमुख आतिथ्यता रहेको थियो । 

कार्यक्रममा बोल्दै प्रमुख अतिथि गिरिले जेसीज नेतृत्व बिकाश सङ्ग सङ्गै  सामुदायिक क्षेत्रमा समेत  मन जित्ने कार्य गर्ने सस्था रहेको आफुले महसुस गरेको बिचार व्यक्त गर्नुभयो । 

त्यसैगरी   विराटनगर  जेसीजका अध्यक्ष दाहालले हरेक नेपाली नागरिकको गाँस, बास र कपास नेपाल सरकारको दायित्व भएको र त्यसमा  बिराटनगर  जेसीजले पनि दायित्व सङ्ग सङ्गै निभाउने वताउनु भयो । 

 विराटनगर जेसीजका सदस्य सरोज पौडेलको संयोजकत्वमा सम्पन्न भएको उक्त कार्यक्रममा बिराटनगर  जेसीजका समुदाय क्षेत्र तर्फका उपाध्यक्ष अनुज दाहाल र कार्यकारीणि उपाध्यक्ष अभिषेक भट्टराईले क्रमश स्वागत तथा कार्यक्रम माथि प्रकाश पारेका थिए ।  

विराटनगर जेसीजको बर्ष २०२५ को भर्खरै पदस्थापित नयाँ बोर्डद्धारा जेसीजको समुदाय क्षेत्र अन्तर्गत पर्ने समुदाय बिशेष कार्यक्रममा बर्षको पहिलो कार्यक्रमको सुरुवात मानवसेवा आश्रमबाट गरिएको  संस्थाका  जनसम्पर्क अधिकारी अबिशेक गौतमले जानकारी दिए ।