विराटनगर । 
 ' उपयुक्त व्हिलचेयर,पहुँचयुक्त नेपाल स्वतन्त्र गतिशीलता हाम्रो अधिकार' भन्ने मुल  नारासहित   विभिन्न कार्यक्रम गरि १७ औं अन्तर्राष्ट्रिय व्हिलचेयर दिवस  मनाइएको छ ।
  
 यसै अवसरमा स्पाइनल इन्जुरी संघ ,कोशी प्रदेशको आयोजनामा  प्रदेश स्तरीय छैठौं इटहरी व्हिलचेयर रन २०८१ सफलताको साथ सप्पन्न भएको छ ।

 महिला पुरुष गरि छुट्टाछुट्टै समूह गरि  गराइएको  यस  प्रतियोगितामा  प्रथम ,द्वितीय र तृतीय हुने  सहभागीहरुलाई प्रोत्साहन स्वरुप क्रमश रु  ८हजार ,६हजार र ४हजार  नगद सहित मेडल ,ट्रफी र सर्टिफिकेट प्रदान गरिएको छ ।

दुबै समूह गरी  ६० जनाको सहभागिता रहेको यस रनमा  बिराटनगर ,इटहरी ,धरान ,दमक लगायतका स्थानका व्हिलचेयर प्रयोगकर्ता अपांङ्गता भएका ब्यक्तिहरुको सहभागिता रहेको जानकारी   स्पाइनल इन्जुरी संघ ,कोशी महासचिव राजन बराइलीले दिएका छन् ।  जसमा महिला तर्फ  क्रमश  रोशनि लामा  ,दिपकला राई  र तृप्ता मगर बिजयी भएका छन् भने पुरुष तर्फ क्रमश बिष्णुकान्त चौधरी , नबिराज राई र निराजन बि क बिजयी भएका छन् । 

 कार्यक्रममा बोल्दै  कार्यक्रमकि प्रमुख अतिथी  इटहरी उपमहानगर उपप्रमुख सङ्गिता चौधरीले  आफ्नो नगरमा व्हिलचेयर लगायतका अन्य सहायक सामाग्रीहरुको अभाव अब नहुने जानकारी गराउदै अब बितरण गरीने व्हिलचेयरमा थप बजेट बिनियोजन गरि स्वयं ब्यक्तिको नापजाँच गरी पहुँचयुक्त व्हिलचेयर बितरण गरीने प्रतिबद्धता ब्यक्त गरी  सबै सहभागी हरुलाई   बधाई सहित मेडल लगाएर  प्रोत्साहन समेत  गरेकी छिन् । साथै उनले अपांगता भएका ब्यक्तिहरुलाई समस्या नहोस् भन्ने कुरालाई ध्यान मा राख्दै  आफूले  पुरानै प्रशासनिक भवनबाट सेवा दिइरहने प्रतिबद्धता जनाएकि छिन् 
त्यसैगरी शुभकामना दिने क्रममा  राष्ट्रिय अपांग कोषकि सदस्य सचिव भिमा खतिवडाले व्हिलचेयर दिवसमा प्रयोग गरीने व्हिल्चेयर आजको  नारा जस्तै  आवश्यकता बमोजिम  निशुल्क  र  पहुचयुक्त हुनुपर्छ भन्ने विषयतर्फ सरोकारवाला निकायको   ध्यान केन्द्रित समेत गराएकि छन् ।

उक्त  कार्यक्रममा उपप्रमुख चौधरी सहित  राष्ट्रिय अपांग कोषकि सदस्य सचिव भिमा खतिवडा ,इटहरी नगर कार्यपालिका सदस्य दिनेश रसाइली , समाजसेवी नेत्र चौलागाईं ,बिराटनगर ओपिडी सामर्थ्य समाज अध्यक्ष चेतनाथ पोखरेल साथै  बिराटनगर ,इटहरी ,धरान ,दमक  लगायतका ठाउँहरुबाट  अपांगता भएका ब्यक्तिहरुद्वारा संचालित विभिन्न संघ संस्थाका प्रतिनिधिहरु को उपस्थित रहेको  स्पाइनल इन्जुरी संघ ,कोशीका अध्यक्ष बिक्रम घिमिरेले जानकारी  दिएका छन् ।