२८ माघ २०८१, सोमवार

विराटनगर । विराटनगर–१ स्थित राधाकृष्ण मन्दिर व्यवस्थापन समितिको अध्यक्षमा कैलाश रेग्मी चयन भएका छन् ।

सोमबार मन्दिर व्यवस्थापन समितिकी संयोजक अञ्जु कार्कीको अध्यक्षतामा बसेको बैठकले  रेग्मीलाई पुन: तीन वर्षका लागि अध्यक्षको जिम्मेवारी दिएको हो । 

त्यस्तै सचिवमा विराटनगरका चिर परिचित युवा कृष्ण बहादुर  कार्की चयन भएका छन । कार्की राजनैतिक ,धार्मिक तथा सामाजिक सेवाका क्षेत्रमा सक्रिय छन । 

रेग्मीले  त्रिवि जनता कानुन क्याम्पस विराटनगरको स्ववियुमा सभापति, पतञ्जली योग समिति मोरङका अध्यक्षका रुपमा अनुभवी ब्यक्तित्व हुन । 

११ सदस्यीय समितिको  उपाध्यक्ष, सहसचिव, कोषाध्यक्षमा क्रमशः नन्दकिशोर राठी, नविनिता रिजाल र नरेश राठी छन् । 

सदस्यहरुमा अन्जना थापा, सुनिल पौडेल, राजन न्यौपाने, सुजित चेल, सन्तोष महत (सेन्ट्रो) र सञ्जय अग्रवाल छन् ।

विराटनगरबाट निस्क्ने एतिहासिक राधाकृष्ण रथ यात्राको संचालन तथा ब्यबस्थापन गर्ने कार्यमा अनुभवी रेग्मी र कार्की लगायतको समुहले आगामी दिनमा अझ उत्कृष्टता दिने बिश्वास आम सर्वसाधारणको रहेको छ ।