विराटनगर  जेसीजले विराटनगरको रोडशेष चौकमा रहेको होटल स्वागतममा शाखा पदाधिकारी तथा मनोनित सद्स्यहरुलाइ तालिम सम्पन्न गरेको छ। विराटनगर जेसीजका पुर्व अध्यक्ष हरि बहादुर श्रेष्ठको प्रमुख प्रशिक्षकत्व तथा विराटनगर जेसीजका पुर्व अध्यक्ष तथा नेपाल जेसीजका प्रशिक्षक  डाक्टर सन्देस दास श्रेष्ठ र कैलाश खाकी श्रेष्ठले २ दिन सम्म प्रशिक्षण प्रदान गर्नुभएको थियो ।

विराटनगर  जेसीजका पुर्व अध्यक्ष क्लबका अध्यक्ष प्रज्वल लाल श्रेष्ठको   अध्यक्षतामा सम्पन्न उक्त तालिममा "मेरो एक बर्ष ","मेरो बर्ष ,मेरो दायित्व" व्यक्तिगत सोच लगायतमा तालिम प्रदान गरिएको थियो ।

त्यस्तै विराटनगर जेसीजका पुर्व अध्यक्ष तथा नेपाल जेसीजका पुर्व राष्ट्रिय अध्यक्ष , नेपालका तर्फबाट हाल सम्मकै पहिलो अन्तर्राष्ट्रिय कार्यकारिणि उपाध्यक्ष सन्तोष रिजालले आफ्ना विगतका कार्यहरुका बारेमा अनुभव साझा गर्दै आगामी दिनमा विराटनगर जेसीजका सद्स्यले अघि बढ्न अप्नाउनु पर्ने बिषयका सन्दर्भमा प्रेरणादायी बिचार ब्यक्त गर्नुभएको थियो ।

सोही तालिममा विराटनगर जेसीजको सन २००९ को कार्यसमितिमा बसि कार्य गरेका हालका सङ्घिय सासद तथा नेकपा एमालेका तर्फबाट प्रतिनिधि सभा सचेतक सुनिता बरालले आफ्नो अनुभव ब्यक्त गर्दै नेतृत्व विकासमा जेसीजको अहम भुमिका रहेको बताउनु भयो ।

साथै विराटनगर जेसीजका अध्यक्ष प्रीतेश राज दाहालको जेसीज प्रकरण " भोलिका लागि सङ्ग सगै " मा केन्द्रीत रहेर सहभागीहरुले समुहकार्य मार्फत आफ्नो प्रस्तुति दिएका थिए ।

साथै प्रमुख प्रशिक्षक हरि बहादुर श्रेष्ठले विराटनगर जेसीजको विगत , बर्तमान र भबिस्य बिषयक प्यानल छलफल संचालन गर्नुभएको थियो । जसमा विराटनगर जेसीजका पुर्व अध्यक्षहरुको उल्लेख्य सहभागिता रहेको थियो ।

दुई दिन सम्म संचालनमा रहेको तालीममा सहभागीको तर्फ बाट आफ्नो धारणा राख्दै शृजना थापाले यस किसिमको तालिमले नेतृत्व क्षमता विकास गर्नका लागि उत्प्रेरणा प्राप्त भएको र आगामी दिनमा समेत यस किसिमका तालिम संचालन हुनुपर्नेमा जोड दिनु भयो ।

विराटनगर जेसीजका अध्यक्ष प्रीतेशराज दाहालले आगामी कार्यदिशा तय गर्नका लागि तालिम फलदायी रहेको धारणा राख्दै पुर्व अध्यक्ष क्लब प्रति अभार ब्यक्त गर्नुभयो ।

कार्यक्रममा विराटनगर जेसीजका पुर्व अध्यक्षहरु , बोर्ड पदाधिकारी तथा मनोनीतहरुको सहभागिता रहेको र कार्यक्रम सफलताका साथ सम्पन्न भएको विराटनगर जेसीजका जनसम्पर्क अधिकारी अविशेक गौतमले जानकारी दिनुभयो ।