विराटनगरको कंचनवारीमा रहेको ग्रीनलाइट युनिसेक्स सलोनले पाचौ बर्षको स्थापना दिवस मनाएको छ ।

सफलताका साथ ५ बर्ष पूरा गरेको सलोनले आफ्नो स्थापना दिवस भब्यरुपमा मनाएको हो । कंचनवारी चौक मै रहेको सलोनले महिला तथा पुरुष दुबैलाई गुणस्तरीय सेवाबाट सन्तुष्ट बनाएको सलोनले ग्राहकलाई केन्द्रमा राखेर सेवा उपलब्ध गराउने गरेको छ ।

स्थापना दिवसको अवसर पारेर निशुल्क एक हप्ते तालीम समेत दिएको थियो । सो तालिममा उत्कृष्ट हुनेलाई पुरस्कार समेत प्रदान गरिएको थियो। जसमा विराटनगरकि झुमा कार्की उत्कृष्ट भएकी थिइन । उनलाई पुरस्कार स्वरुप सौन्दर्य प्रशाधनका सामाग्री प्रदान गरिएको थियो ।

तालिमका लागि उत्साहपुर्ण सहभागिता रहेको थियो । विराटनगर क्षेत्र भरिका २० जना निशुल्क तालिममा सहभागी भएका थिए । निशुल्क तालिम लिएका मध्ये २ जनाले एड्भान्स कोर्ष समेत गर्ने भएका छन । उनिहरुले २५% सम्मको छुट प्राप्त गर्नेछन ।

त्यस्तै सलोनमा उत्कृष्ट सेवा दिने कर्मचारीलाई इम्पोलोइ अफ द मन्थ द्वारा पुरस्कृत गरिएको छ । महिना भरी उत्कृष्ट कार्य गर्ने कर्मचारी तनु बिश्वकर्माले उक्त पुरस्कार जित्न सफल भइन ।

स्थापना दिवसको अवसरमा सस्थाका कर्मचारीहरु सहभागी भएर केक काटी उत्सव मनाइएको थियो ।

सलोनका संचालक हरि बजगाइका अनुसार स्थापनाको ५ बर्ष पुग्दै गर्दा सदैव ग्राहकलाई केन्द्रमा राखेर सेवा प्रदान गर्ने गरिएकोले ग्राहकको मन जित्दै गएको सलोनले आगामी दिनमा सेवा विस्तार तथा सेवालाई परिस्कृत गर्दै अघि बढ्ने जानकारी दिए।