बिराटनगर जुनियर जेसीजद्वारा आयोजित  काबरा ग्रुप अफ इन्डष्ट्रिजद्वारा पूर्ण रूपमा प्रायोजित २९ औं  संस्करणको जेसीज टेस्टी टेस्टी हाजिरीजवाफ प्रतियोगिता  विराटनगरको आरोहण गुरुकुलमा सम्पन्न भएको छ ।  

१८ बिधालय सहभागी उक्त प्रतियोगितामा  एभेरेस्ट, सहिद स्मृति,तरहरा मोडेल, बुढानिलकण्ठ, जनता मा.वि र पाथीभरा मा बि इटहरी फाइनलमा प्रबेश गरेका थिए भने  जूनियर जेसीज द्वारा आयोजित उक्त प्रतियोगीतामा विराटनगरको  एभरेष्ट उच्च मा वि ले उपाधि जित्न सफल भएको छ भने दोस्रो स्थान जनता माध्यमिक विद्यालय र तेस्रो स्थान सहिद स्मृति विद्यालयले हात पार्न सफल भए ।

उक्त प्रतियोगिताको  विजेता एभरेस्ट उच्च मा वि ले  काबरा  समुहबाट १५,०००(पन्ध्र हजार), दोश्रो भएको जनता माध्यमिक बिधालयलाई १०,०००(दश हजार) र तेस्रो भएको सहिद स्मृति बिधालयलाई ५,०००(पाँच हजार) त्यसै गरी रापिड फायर राउन्डमा सबै प्रश्न को जवाफ दिने सहभागी सहिद स्मृति बिधालयलाई  जेनिथ इन्टरनेसनल कलेजका तर्फबाट नगद पाँच हजार  पुरस्कार प्रदान गरिएको थियो । 

 बिराटनगर महानगरपालिकाका नगर प्रमुख  नगेश कोइरालाको प्रमुख आतिथ्यमा सम्पन्न ३ दिन सम्म संचालन भएको उक्त प्रतियोगितामा  क्विज मास्टर  बिराटनगर जुनियर जेसिजका संस्थापक अध्यक्ष डा.सन्देश दास श्रेष्ठ तथा बिराटनगर जेसीजका पुर्व अध्यक्ष सन्दीप दास श्रेष्ठ रह्नु भएको थियो ।

कार्यक्रममा शुभकामना दिदै विराटनगर महानगरपालिकाका प्रमुख नागेश कोईरालाले यस्ता प्रतियोगिताले कितावी ज्ञानका साथै बिद्यार्थीको चौतर्फी बिकासका लागि समेत लाभदायी हुने बिचार ब्यक्त गर्दै यस्ता कार्यलाई विराटनगर महानगरपालिकाले सदैव प्रोत्साहन गर्ने बताउनु भयो । 

त्यस्तै काबरा ग्रुप अफ इन्ड्रस्टीजका प्रबन्ध निर्देशक श्याम  काबराले बिराटनगर जुनियर जेसीजले नेपालमै इतिहास बोकेको प्रतियोगिता आयोजना गरेको र आफुहरु प्रायोजक रहेकोमा सदैव गौरवान्वित रहेको बताउदै आगामी दिनमा विराटनगर जेसीज तथा जुनियर जेसीजले खेलकुदका कार्यक्रम त्यसमा पनि ट्वान्टी ट्वान्टी क्रीकेट प्रतियोगिताको कोशी प्रदेश स्तरिय कार्यक्रम आयोजना गर्न पहल कदमी लिएको खण्डमा काबरा ग्रुप त्यसमा समेत हातेमालो गर्न प्रतिबद्ध रहेको घोषणा गर्नुभयो । 

त्यस्तै विराटनगर जेसीजका अध्यक्ष प्रीतेशराज दाहालले आफू जुनियर जेसीज अध्यक्ष रहदा समेत उक्त कार्यक्रम आयोजना गरेर आएको र जुनियर जेसीजले गर्ने यस किसिमका कार्यक्रममा आफ्नो अध्यक्षकालमा सदैव सहयोग गर्ने बिचार ब्यक्त गर्नुभयो । 

उक्त कार्यक्रममा काबरा ग्रुप अफ इन्ड्रस्टीजका प्रबन्ध निर्देशक निर्देशक श्याम काबराको बिशेष  उपस्थित रहेको थियो ।त्यस्तै विराटनगर जेसीजका अध्यक्ष प्रीतेश राज दाहाल  ,बिराटनगर जेसीज बोर्ड अफ ट्रस्टटिजका अध्यक्ष टिकाराज ढकाल,  बिराटनगर जुनियर जेसिजका भुतपुर्व अध्यक्ष सनराइज चौधरी,उज्ज्वल खरेल लगायतको उपस्थिती रहेको थियो भने  बिराटनगर जेसीजका तर्फबाट जुनियर  जेसीज कोअर्डिनेटर  कविराज दाहाल लगायत बिराटनगर जेसीज बोर्ड तथा पदाधिकारी समेतको उपस्थिति रहेको थियो ।

 २९ बर्षको बिरासत बोकेको उक्त प्रतियोगिता हरेक बर्ष आयोजना हुने गरेको र हरेक बर्ष नया निर्वाचित भएर आउने अध्यक्षले उक्त प्रतियोगिताको नेतृत्व लिने गरेको विराटनगरका जुनियर जेसीजका अध्यक्ष  गौरव कर्णले  जानकारी दिनुभयो ।