काठमाडौँ | नेपाली कांग्रेसका प्रमुख सचेतक श्याम कुमार घिमिरेले केही दिन अघि यौन व्यवसाय खुला गर्नुपर्ने भनेर अभिव्यक्ति दिए । सामाजिक संजाल देखि लिएर हरेक क्षेत्रमा सो अभिव्यक्तिको तिब्र बिरोध भयो ट्रोल बने । सो अभिव्यक्तिप्रति उनले  संसदमा माफी मागेका छन् ।

यही चैत ३ गते संसदको विशेष समयमा बोल्दै उनले यौन व्यवसाय खुला गर्नुपर्ने बताएका थिए । त्यसको संसद भित्र र बाहिर आलोचना भएको थियो । त्यस्तै काङ्ग्रेसकै नेताहरुले समेत कडा आलोचना गरेका थिए ।


बुधबारको संसद बैठकको सुरुमै बोल्दै घिमिरेले ती आफ्ना व्यक्तिगत धारणा भएको प्रष्टीकरण दिदै  क्षमायाचना गरे

उनले भने, ‘मैले व्यक्त गरेको धारणा एउटा संसदको हैसियतले विशेष सन्दर्भमा राखेको व्यक्तिगत धारणाहरु हुन् । यो धारणा नेपाली कांग्रेस पार्टी र संसदीय दलको आधिकारिक धारणा पनि होइन । यी विचारहरुले सम्मानित संसदका सदस्यहरु एवम् अन्य जनसमुदायमा समेत केही नकारात्मक प्रभाव परेको भए म उहाँहरुको सम्मान गर्दै उहाँहरुसँग क्षमायाचना गर्दछु ।’