भिडियोले दर्शकको मन छुने अपेक्षा गरिएको छ ।

संगीतकर्मी मात्र नभई साहित्यकार र पत्रकारका रूपमा समेत परिचित खनालले हालसम्म १८ वटा पुस्तक प्रकाशित गरिसकेका छन् । हजारौँ कविता, लेख तथा सयौँ गीत सिर्जना गरिसकेका उनले नेपाली भाषा, साहित्य, कला र संस्कृतिको संरक्षण तथा प्रवद्र्धनमा उल्लेखनीय योगदान पु¥याउँदै आएका छन् । उनी हाल इन्टरनेशनल आर्टिस्ट्स फोरम अमेरिकाका अध्यक्ष तथा फेडेरेशन अफ इन्टरनेशनल जर्नालिस्ट्स अमेरिकाका अध्यक्षसमेत हुन् ।

भजन सार्वजनिक गर्दै खनालले संसारभर रहेका नेपाली समुदायलाई आफ्नो धर्म, संस्कृति र परम्परासँग जोडिराख्न यस्ता भक्ति सिर्जनाले महत्वपूर्ण भूमिका खेल्ने विश्वास व्यक्त गरेका छन् । उनले भक्तजन तथा संगीतप्रेमीहरूलाई भजन हेर्न, सुन्न, प्रतिक्रिया दिन तथा सामाजिक सञ्जालमार्फत साझा गर्न आग्रह गरेका छन् ।

उनका अनुसार धार्मिक तथा सांस्कृतिक चेतनालाई सुदृढ बनाउने यस्ता सिर्जनाको प्रचार प्रसारमा सबैको साथ आवश्यक छ । दर्शक तथा श्रोताबाट प्राप्त हुने माया, सुझाव र प्रतिक्रियाले कलाकारलाई थप सिर्जनात्मक ऊर्जा प्रदान गर्ने उनको भनाइ छ ।

आध्यात्मिक चेतना, सांस्कृतिक संरक्षण, धार्मिक आस्था र मानवीय सद्भावलाई केन्द्रमा राखेर सार्वजनिक गरिएको ‘प्रभुकै छ भर, तिमी बाहेक को छ र ?’ भजनले नेपाली समाजमा सकारात्मक सोच, नैतिक मूल्य, करुणा, शान्ति र आध्यात्मिक जागरणको सन्देश फैलाउने अपेक्षा गरिएको छ ।