काठमाडौं।  नेपालले  इन्टरनेसनल वुमेन्स च्याम्पियनसिपअन्तर्गत लिग चरणको अन्तिम खेलमा बराबरी खेल खेलेको छ । त्रिपुरेश्वरस्थित दशरथ रंगशालमा आइतबार सम्पन्न खेलमा नेपालले म्यानमारसँग २–२ को बराबरी खेलेको हो। 

 बराबरीसँगै  समान सात अंकसहित म्यानमार र नेपालले लिग चरण समापन गरे पनि गोलअन्तरले म्यानमार शीर्ष स्थानमा छ । 
 
खेलको पाँचौं मिनेटमै म्यानमारले अग्रता लिएको थियो भने खेलको ११ औं मिनेटमा सावित्रा भण्डारीले दिएको क्रसलाई अनमार्क सविता रानामगरले सहजै गोल गरिन्।

 १६औं मिनेटमा पुन: म्यानमारले अग्रता लियो।तर ४१औं मिनेटमा सावित्राले गोल गर्दै नेपाललाई खेलको बराबरीमा पुर्याइन । सो सङ्गै नेपालको सम्भावित हार टरेको थियो । 

उपाधिका लागि यी दुई टोलि विच फागुन १४ गते प्रतिस्पर्धा हुनेछ ।