विराटनगर ।नेपाली कांग्रेसले नयाँ कार्यक्रमका रुपमा आजदेखि ‘मिसन रोजगारी’ अभियान सुरु गर्ने भएको छ।

महामन्त्रीद्वय गगन थापा र विश्वप्रकाश शर्माले “राजनीतिक विमर्शको केन्द्रमा रोजगार–सरकारको प्राथमिकतामा रोजगार” भन्ने लक्ष्यका साथ अभियान सञ्चालन गर्ने कार्य सुरु गर्न लागेका हुन ।

रोजगारी सिर्जना गर्न सकिने माध्यम, क्षेत्र, तथा नीतिगत अवस्थालगायत विषयमा वर्षभरि नै छलफल तथा बहस लगायतका बिषयमा बर्षभरी नै चर्चा उपचर्चा हुनेछ ।

रोजगार प्रवर्द्धन कसरी गर्न सकिन्छ तथा यसका उपायहरूबारे व्यापक संवाद गर्दै अघि बढ्ने उद्देश्यले यो अभियानको थालनी गर्न लागिएको हो ।

वर्षभरी नै  सञ्चालन हुने अभियानको आइतबार  दिउँसो १ बजे पार्टी केन्द्रीय कार्यालय, सानेपामा औपचारिक कार्यक्रम गर्दै उद्घाटन हुनेछ ।  उद्घाटन सत्रमा “अब रोजगारका कुरा गरौं” विषयमा गोलमेच छलफल आयोजना हुनेछ ।