विराटनगर– विना फाउन्डेशनले विराटनगरमा बिहीबारदेखि पहिलो पटक ‘कोशी विचार उत्सव’को आयोजना हुँदैछ  । उत्सव फाल्गुन १५, १६ र १७ गतेसम्म चल्ने फाउन्डेशन अध्यक्ष वरुण झाले पत्रकार सम्मेलनमा जानकारी दिए ।

खुल्ला संवाद र सहकार्य प्रवर्द्धन र विकासका लागि विरानगरस्थित हिमालय रोडमा विचार उत्सवको आयोजना गर्न लागिएको तथा यसमा सरकारको नीति, संस्कृति, व्यवसाय व्यवस्थापन, शिक्षा, स्वास्थ्य र वातावरणलगायतको विषयमा केन्द्रित रहेर विचारहरुको खुल्ला वहस र सामूहिक समाधानका उपायहरुको खोजी गरिने झाले जानकारी दिए । 

सामाजिक, सांस्कृतिक र आर्थिक क्षेत्रको विकासमा योगदान गर्नका लागि १६ वटा शत्रमा छलफल गरिनेछ । 
भने बेलुकीपख राष्ट्रिय कलाकारहरुको उपस्थितिमा सांस्कृतिक कार्यक्रम गरिने छ । 

विचार उत्सवमा देशमा ख्याति कमाएका विभिन्न राजनैतिक तथा सामाजिक व्यक्तित्वको सहभागिता बिचारको मन्थन तथा आदानप्रदान समेत हुनेछ ।