कर्णाली प्रदेशको राजधानी सुर्खेतमा प्लास्टिक सर्जरी सेवा सुरु भएको छ । कीर्तिपुर अस्पताल सङ्गको सहकार्यमा कर्णाली प्रादेशिक अस्पताल सुर्खेतमा उक्त सेवा सुरु भएको हो । 

कर्णाली प्रदेशको राजधानी सुर्खेतमा ओठ तथा तालु (मुख भन्दा भित्र जिब्रो भन्दा माथी) र आगोले जलेर पोलेर एक भाग देखि अर्को भाग जोडिएको विरामीका कीर्तिपुर अस्पतालले लागि प्रादेशिक अस्पताल सुर्खेत संगको सहकार्यमा कीर्तिपुर अस्पतालले आफ्नो प्रादेशिक कार्यालय संचालनमा ल्याएको छ ।

कीर्तिपुर अस्पतालका वरिष्ठ प्लास्टिक सर्जन  प्रा. डा. शंकरमान राईको नेतृत्वमा ,कैलाश खाकी श्रेष्ठ 
लिला राना मगर सहितको टोलिले विरामी जांच गरेको थियो । 

प्रदेश अस्पतालमा  भित्र संचालनमा आएको पहिलो पटक २५ विरामीलाई सेवा दिएकोमा १५ पुरुष र १० महिलाले सेवा लिएका थिए । 

ओठ तथा तालु (मुख भन्दा भित्र जिब्रो भन्दा माथी) चिरिएको ८ जना, जलेर पोलेर एक भाग अर्को भाग सग जोडिएको ४ जना , एक्युट बर्न ४ जना, जलेको पोलेको दाग ८ जना , जन्मदै औंला जोडेको १ जना विरामी रहेका थिए ।

कर्णाली प्रदेशको ५ जिल्लाबाट जाजरकोट, सुर्खेत, दैलेख, कालिकोट, जुम्लाबाट सेवा लिन आएका विरामी मध्ये तुरुन्त उपचार चाहिने गहिरो जलन भएको २ जनालाई कीर्तिपुर अस्पताल पठाईएको थियो । 

आगामी बैशाखमा प्रदेश अस्पताल सुर्खेतमा यस्ता बिरामीहरुको अप्रेशन शिबिर गर्ने र उपचारलाई निरन्तरता दिने योजना रहेको फेक्ट नेपालका कैलाश खाकी श्रेष्ठले जानकारी दिए ।