विराटनगर– नवौँ संस्करणको रात्रीकालिन विराट गोल्डकप फुटवल प्रतियोगिताको उपाधि  थ्रीस्टारले जितेको छ । यो सगै थ्रीस्टारले विराट गोल्ड कपको उपाधि दुइ पटक जितेको इतिहास बनाएको छ ।

विराटनगरस्थित सहिद रंगशालामा बुधबार सम्पन्न विराट गाेल्डकपमा थ्रीस्टारले सहिद स्मारक ए डिभिजन लिग च्याम्पियन चर्च ब्वाइज युनाइटेडलाई २-० ले पराजित गर्दै उपाधि रक्षा गरेको हो ।

पहिलो पटक पाँचौ संस्करणको विराट गोल्डकपको उपाधि जितेको थ्रीस्टारले  त्यस समयमा  आर्मीलाई ३–० गोलले फाइलनमा हराउँदै उपाधि हात पारेको थियो । 

बिजेता भए सङ्गै थ्रीस्टारले ११ लाख पुरस्कार समेत प्राप्त गर्न सफल रह्यो । गाेल्डकपकाे फाइनल खेलकाे पहिलाे हाफमा थ्रीस्टारका खेमराज श्रेष्ठले खेल सुरू भएकाे ५ अैाँ मिनेटमा गाेल गर्दै टिमलाई अग्रता दिलाएका थिए ।

खेलकाे दाेस्राे हाफमा  थ्रीस्टारका दिपेश घलेले ६३ अैाँ मिनेटमा गाेल गर्दै अग्रता दाेब्बर बनाएका थिए । सुरूमा आक्रामक खेलेका चर्च ब्वाइज युनाइटेडलाई थ्रीस्टार क्लबले चलाखिपुर्ण खेल पस्कदै पराजित गर्न सफल रहयो ।

पहिलो पटक विराट गोल्डकपको उपाधि जित्ने लक्ष्यका साथ मैदान उत्रेको चर्च ब्वाइजको सपना अधुरै रह्यो ।  उपबिजेतामा सिमित भए सँगै चर्च ब्वाइजले ५ लाख पुरस्कार प्राप्त गर्‍यो ।

गाेल्डकपकाे उत्कृष्ट प्रशिक्षकलाई १५ हजार, उत्कृष्ट गोलरक्षकलाई १५ हजार, सर्वाधिक गोलकर्तालाई  नगद १५ हजार प्रदान गरिने छ ।