लियो जिल्ला परिषद ३२५ सी को आयोजनामा पहिलो पटक प्रेसिडेन्ट मिट २०२५ सकुरा रिसोर्ट सुन्दर हरैचामा सम्पन्न भएको छ । 

लियो जिल्ला परिषद ३२५ सी अन्तर्गत रहेका क्लबका अध्यक्षहरुको क्षमता बिकास र आपासी सम्बन्ध अझ मज्बुत होस भन्ने उदेश्यले कार्यक्रम आयोजना गरिएको लियो जिल्ला परिषद ३२५ सी का अध्यक्ष शिव शंकर मण्डलले जानकारी दिए । 

कार्यक्रमको पहिलो दिन औपचारिक कार्यक्रम मार्फत सुरु  भएको कार्यक्रममा डिस्ट्रीक्ट गभर्नर बिकास अधिकारी ,सेकेन्ड भाइस डिस्ट्रीक्ट गभर्नर लिला चिमरिया ,  कोषाध्यक्ष रमेश खत्री ,लियो लायन चिफ कैलाश खाकी श्रेष्ठ , लियो क्लब चेयरमेन चाद बाबू इराकी , लगायतको सहभागिता रहेको थियो । 

पहिलो दिनको कार्यक्रममा डिस्ट्रीक्ट गभर्नर विकास अधिकारीले लायन्सको इतिहास , यसको महत्त्व , समाजको बिकासमा लियोले खेल्न सक्ने भुमिका आदिका बारेमा प्रशिक्षण प्रदान गर्नु भएको थियो 

त्यस्तै  एल. सी.आइ.पि तथा जिएमटि डिस्ट्रीक्ट कोअर्डिनेटर डाक्टर सन्देश दास श्रेष्ठले  अध्यक्षहरुका लागि आफ्नो कार्यकाल राम्रो बनाउन गर्नु पर्ने कार्यका बारेमा तालिम प्रदान गर्नु भएको थियो ।

तालिम पश्चात एक अर्काको अनुभव आदानप्रदानका साथ पहिलो दिनको कार्यक्रम सम्पन्न भएको थियो । 

त्यस्तै दोश्रो दिनको कार्यक्रममा व्यवस्थित बैठक संचालन विधि तालिम नेपाल जेसीजका कानुनी सल्लाहकार सुनिल तिम्ल्सिनाले प्रदान गर्नुभएको थियो । सो क्रममा रोबर्ट रुल्स अफ अर्डर अनुसार बैठक कसरी संचालन गर्ने भन्ने बारेमा सहभागीको जिज्ञासा मेटाउनु भएको थियो । 

इतिहास मै पहिलो पटक भएको कार्यक्रमबाट धेरै बिषयमा जानकारी प्राप्त गर्न सकिएको कार्यक्रममा सहभागीहरुले जानकारी दिए । 

दुई दिन सम्म चलेको भेलामा लियो जिल्ला परिषद अन्तर्गत रहेका क्लबका अध्यक्ष तथा जिल्ला परिषद बोर्ड का पदाधिकारी र अन्य आगन्तुकहरुको सहभागिता रहेको थियो ।